Dayanıqlı təhsilin “Tamlıq və qeyri-səlis təhsil modeli” ilə əvəzlənməsində nə dəyişir və bu proses necə baş verir?
Əvvəlcə Azərbaycanda dayanıqlı təhsil haqqında qısa bir arayışı diqqətə çatdıraq.
Muasir kurikulum proqramlarında (2007-ci ildən bu günə qədər) nəzərə çarpacaq qədər proqressivizm, eksperimentalizm, ekzistensializm, praqmatizm, realizm, essentializm yanaşmalarının meyarları öz əksini taparaq, təhsilin inkişafına təkan vermişdir, lakin bu inkişaf öyrətmə – verilənlərin mənimsənilməsi məqsədini daşıdığı üçün burada təfəkkürün yüksək səviyyəli bacarıqlarının inkişaf etdirilməsi bir o qədər də mümkün olmur. Proqramların 5 ildən bir yenilənməsi keyfiyyətin artmasında bir o qədər də nəticə vermir, çünki bu yeniliklər öyrətmə istiqamətlərinə yönəldilir.
