İslam Respublikasının müqaviməti ilə Fələstində hərəkatın yenidən başlanması
Sionistlər öz xəyallarına əsasən rahat nəfəs aldılar. Amma sonra gördülər ki, dünyada İslam bayrağının, İslam hakimiyyətinin, xalqın Qurana, hökmlərə və onun ayələrinə imanının sayəsində, qorxmamalarına, şücaətlərinə, böyük güclərə və imperializmə etina etməmələrinə görə xalqın və hökumətin bir yerdə "işğalçı sionizm hökuməti Fələstindən çıxmalıdır" – deyə fəryad ucaldan bir yer var. İran xalqının, hökumətinin və İslam Respublikası quruluşunun bu müqaviməti Fələstin hərəkatının qurumuş damarlarında qanın axmasına və fələstinli gənclərin - yəni fələstinlilərin üçüncü nəslinin həqiqi oyanışa nail olub hərəkatı özünün İslam formasında davam etdirməsinə səbəb olmuşdur. Onlar bilirlər ki, əgər işğal olunmuş Fələstin sərhədləri daxilində və ətrafında fələstinli gənclərin hərəkatı davam etsə, bunların ərəblərlə bağladıqları bütün bu sülh və müzakirələri puç və mənasız edib işlərini korlayacaq.
