Saziş prosesi və konkret olaraq Oslo layihəsi fələstinlilərin parçalanmasına səbəb oldu. Amma bu mübarək intifazə Fələstinə milli birliyi qaytara bildi. Görürsünüz ki, xalqın müxtəlif təbəqələri bu mübarizədə iştirak edirlər. İslam cərəyanları və milli cərəyanlar bir-birinin yanındadırlar. Hətta könlü hələ də başqa yerdə olan şəxslər də məcbur qalıb bu əzəmətli hərəkətlə yoldaşlıq edirlər.
Payız konfransının təsirsiz olması
Ötən il mən Fitr bayramı namazında müsəlman xalqa dedim ki, bunların təşkil etmək istədikləri, payız konfransı adlandırdıqları və regiona daha artıq hökmranlıq üçün proqram və planları nəzərdə tutan bu konfrans məğlubiyyətə uğrayacaq. Bu gün görürsünüz ki, oturub danışdıqları və durduqları o konfransdan Fələstin, Livan və Orta Şərqin əsas regionunda heç bir əsər-əlaməti yoxdur. Bu onu göstərir ki, İslamla qarşılaşan, İslam ümməti ilə vuruşan və məqsədi bu həssas regiona daha artıq hökmranlıqdan ibarət olan qurum daha irəliləyə bilmədiyini hiss edir. Əlbəttə, biz özümüzü ifratçı nikbinliklərlə arxayın etmək istəmirik. Hamının gözü önündə çətin, ağır və acı həqiqətlər var. Hamı onları görür. Amma söhbət bundan gedir ki, hegemonçu qüvvə xalqların iradəsi qarşısında bir iş görə bilməmişdir və bundan sonra da bir iş görə bilməyəcək.
