Fələstinin işğalının əvvəlində Şeyx İzzəddin Qəssam və Hacı Əmin Hüseyni kimi mücahid alimlər Fələstini xilas etmək üçün müsəlmanları köməyə çağırdılar. Böyük təqlid müctəhidi olan mərhum Şeyx Məhəmməd Hüseyn Ali-Kaşif əl-Ğita sionistlər əleyhinə cihad hökmü verdi. Amma təəssüf ki, tədricən mübarizələrin İslam şəkli zəiflədi və onun milli rəngi çoxaldı.
Fələstinin fəthi - Qərbin köhnə arzusu
Bəzi Qərb qüvvələri Fələstin torpağı və şərafətli Qüdsə həmişə tamah salmışlar. Müsəlmanların əleyhinə olan uzun Xaç müharibələri onların bu müqəddəs torpağa qarşı tamahlarının bariz nümunəsidir. Osmanlı imperiyasının məğlubiyyətindən sonra Beytülmüqəddəsə girən müttəfiqlər ordusunun bəzi komandirləri belə dedilər: "Bu gün xaç müharibələri başa çatdı".
