İslam ümmətinin təhdidlər qarşısında Allahın müqəddəs vücudundan kömək istəməyə ehtiyacı
Belə bir şəraitdə İslam ümmətinin həmişəkindən daha çox ehtiyaclı olduğu məsələ Allaha diqqət, Allahın müqəddəs vücudundan kömək istəmək və qəlbi o tükənməz qüdrət mənbəyinə birləşdirməkdir. Allahın tükənməz qüdrəti ilə tanış olan qəlb düşmənlərin təhdidləri və gurultuları qarşısında yerindən oynamaz, qorxmaz, zəiflik duymaz, gələcəyə ümidsiz olmaz. Və bu yol sınaqdan keçmiş yoldur. İslam Respublikası otuz il hegemonçu qurumun düşmənlikləri, əngəlləri və xəbislikləri qarşısında qüdrətlə dayandı, müsəlman İran xalqı bütün səyləri, bütün iradələri ilə müxtəlif meydanlarda dayandı və Allahın lütfü ilə günbəgün irəlilədi. Bu inkişaf Allahın izni ilə, Allahın qüdrəti və qüvvəsi ilə günbəgün artacaq və bütün İslam dünyası inşallah İslamın izzət və əzəmət gününü görəcəklər.
İlahi hidayətlərin qədrini bilək! İlahi yardımların qədrini bilək! Fitr bayramı gününün qədrini bilək! Əllərini duaya qaldıran, üzünü qibləyə çevirən, müəyyən bir gündə ürəklərini Allaha birləşdirən və ünsiyyət quran bu əzəmətli toplumun qədrini bilək! Öz birliyimizi qoruyaq, öz səyimizi və iradəmizi qoruyaq və gələcəyə ümidimizi günbəgün artıraq!
Dostları ilə paylaş: |
