Sionist şeytanların Amerika hökumət başçılarını təhrik etməsi
Mən belə hiss edirəm ki, sionist şeytanlar hətta Amerika hökumət başçılarını da təhrik edirlər. Müəyyən mənada və bəzi yerlərdə onlar bunların alətidirlər. Bu gün belə hiss olunur ki, İran xalqı və İslam Respublikası əleyhinə hücum, qarşıdurma, xəbislik və düşmənlik üçün sionist şeytanlar tərəfindən Amerika hökumət başçılarına qarşı kəskin və şiddətli təhrik mövcuddur. Lakin keçmiş təcrübə bizim və onların qarşısındadır.
Hegemonluğun həmişəki arzusu - Fələstin amalını sionistlərin ayağı altında qurban kəsmək
Görün bu gün Fələstin barəsində nə edirlər, bu xalq üçün və əslində region üçün hansı yuxunu görmüşlər. Bu da böyük həddə son bir ilin hadisələrindən qaynaqlanır.
Amerika bu regionda tankla, topla, hərbi donanma ilə, bombalamaqla və bu kimi vasitələrlə özünə davakar bir qüdrət düzüb-qoşa bilən kimi tez regionun əsas məsələsinə - yəni Fələstin məsələsinə sarı getdi, tamahlandı və elə bildi ki, İraq rejiminin təhlükəsini uzaqlaşdırdığı üçün regionun zəif ruhiyyəli hökumətləri özlərini ona borclu və minnətdar biləcəklər. Düşündü ki, bu arada istifadə edib hegemonluğun son illərdəki həmişəlik arzusunu həyata keçirməyin zamanıdır. O arzu nədir? O arzu Fələstin amalını qəddar sionistlərin ayağı altında qurban kəsməkdir. Bu işi görmək istəyir və görməkdədir. Ümidvarıq ki, İslam ümmətinin və Fələstinin müsəlman gənclərinin qeyrəti ilə bu böyük xəyanətdə uğurlu olmayacaq.
Dostları ilə paylaş: |
