İslam inqilabının Fələstin məsələsinə təsiri
Lakin İslam inqilabından sonra iki hadisə baş verdi: Biri budur ki, qeyri-dini hərəkat olan Fələstin hərəkatı bir İslam hərəkatına çevrildi, İslam müqaviməti vücuda gəldi və İslam rənginə boyandı. Bayırdan mübarizə aparan mübarizlər, Livandan, yaxud digər məntəqələrdən İsrailə hücum edib onlara zərbə vuran şəxslər çox güclü İslam hissi ilə meydana qoşuldular.
İkincisi isə budur ki, intifazə vücuda gəldi. İntifazə - işğal olunmuş torpaq və vətən daxilində qiyam deməkdir. Bu qiyamdan qorxurlar; çünki onlar üçün çox mühümdür. Əlbəttə, mətləbi əksinə göstərməyə çalışırlar. Lakin Fələstin xalqının Fələstin torpaqları daxilindəki mübarizələri sionizm rejimi üçün öldürücü və sarsıdıcıdır. Bu onların fəqərə sütunlarını qırır. Nə üçün? Çünki bunlar bütün dünyadan bu yerə cəm olmuş yəhudilərə təhlükəsizlik, rahatlıq və firavan həyat söz vermişdilər. Demişdilər ki, gəlin burada ağalıq edin. Lakin bunlar indi bu torpağın əsas sahibləri olan, oyanmış və ayağa qalxmış yeni nəsillə bacarmırlar. Sionizm quruluşunun təməlləri titrəmişdir.
Dostları ilə paylaş: |
