Fələstİn İslam İnqilabının Böyük Rəhbəri həzrət Ayətullah Seyid Əli Xameneinin baxışında

Amerikaya görə İslam Respublikasının ən böyük eybi: sionist işğalçıların işğalını qəbul etməmək

Amerikalılara görə İslam Respublikasının ən böyük eybi budur ki, sionist işğalçıların Fələstinə qarşı işğalını qəbul etmir. Onların İslam Respublkası quruluşuna qarşı düşmənliklərinin ən böyük nöqtəsi budur ki, siz nə üçün İsrailli hərbçilərin icazəsiz şəkildə xalqın evində hərəkət etməsini, onların başından vurmasını və o xalqın hakimi olmasını qəbul etmirsiniz. Bütün dünya qəbul edib, siz nə üçün qəbul etmirsiniz? Bu xalqın ən böyük müsbət cəhəti onlara görə ən böyük mənfi cəhətidir.

Amerikanın İranla əsas problemi - rüsvayçı saziş layihələrinə qarşı çıxmaq

Qardaşlar və bacılar! Beynəlxalq hegemonluğun və onların başında Amerika rejiminin İrana göstərdiyi hərtərəfli təzyiqlərin əsas səbəbi bizim Fələstini müdafiə etməyimizdir. Onlar açıq şəkildə deyiblər ki, Amerikanın İranla əsas problemi İran İslam Respublikasının Fələstində rüsvayçı saziş layihələrinə qarşı çıxmasıdır. Digər işlər, məsələn insan hüquqlarının tapdanmasına və kütləvi qırğın silahlarının düzəldilməsinə dair gülünc iddialar bəhanədən başqa bir şey deyil. Əgər İran Livan və Fələstin mübarizlərini və xalqını müdafiə etməkdən əl çəksə, onlar da özlərinin İran əleyhinə düşmənçi üsullarından əl çəkərlər. Əlbəttə, biz yaxşı bilirik ki, onların əsas problemi İslam və İslam hakimiyyətidir. Bu onların bu böyük ölkəyə qarətçi və istismarçı qayıdışına maneədir. Onlar da həqiqətən İslam Respublikasının siyasətlərinin bu cəhətini yaxşı tanıyırlar. Biz onlara rədd cavabı vermişik. Biz Fələstin və Livan xalqını müdafiə etməyi özümüzün mühüm İslam vəzifələrimizdən bilirik. Odur ki, onlar hər tərəfdən öz təzyiqlərini göstərirlər.

Livan və Fələstin mübarizələrinin dairəsi genişləndikcə sionizmin və Amerikanın İslam Respublikası quruluşuna qarşı qəzəbi və şiddəti daha artır, təxribatları daha da genişlənir. Amma onlar bilsinlər ki, bütün təbliğatlarına rəğmən, böyük İran xalqı, ölkə məmurları və başçıları hamılıqla həmrəydirlər. İranın bütün müsəlman xalqı inqilab və İslam amallarını himayə edir. Fələstini və intifazəni müdafiə, sionizm və onun hamiləri ilə mübarizə İran İslam Respublikasının strateji siyasətlərinin əsas təməllərindəndir.

Qardaşlar və əziz xalq! Hegemonluğun İslam Respublikasının bəzi xüsusiyyətlərindən xoşu gəlmir. Üzə gətirmir və dillə də söyləmir, amma eyni zamanda bəhanə olan digər məsələləri söyləyir. Terrorizmə kömək, yaxud insan hüquqlarının tapdanması və yaxud bu qəbildən olan digər iddialar əbəs sözlər və puç bəhanələrdir. Bunu özləri də bilirlər. Əsas məsələ başqa bir şeydir. Əsas məsələ budur ki, İslam Respublikasının sadiq qaldığı bir neçə mühüm mövzü var. Amerika və dünyanın hegemonçular dəstəsi bunlara qarşıdırlar. Biz Fələstin hadisəsində sülhü qəbul etmirik. Biz demişik ki, Fələstin fələstinlilərindir, İsrail dövləti isə işğalçıdır, məhv olmalıdır və fələstinlilərin hökuməti iş başına gəlməlidir.

Bu əsaslı bir məsələdir. Bu məsələ əsasında bu məqsədə qarşı olan hər bir hərəkətlə qarşı çıxırıq. Biz dedik ki, dünyanın harasında müsəlmanlar yaşayırsa, hegemonluq qanlarını tökür və onları zəiflədir; bu, İslam əleyhinə təxribatdır. Biz bunu ifşa etdik. Siz baxın, bu gün dünyada müsəlmanları zəiflətməyin və onlara qarşı şiddətin müxtəlif qisimləri mövcuddur. Bir nümunəsi Bosniya və Herseqovinada elə faciəli və biabırçı formadadır, bir nümunəsi Hindistandadır. İslam yadigarlarından olan o tarixi və böyük məscidi müsəlmanların hisslərini məhv etmək və yaralamaq üçün və Hindistan müsəlmanlarının əhval-ruhiyyəsini korlamaqdan ötrü uçurdular. Xəbərlərdə deyildi ki, Hindistanda sionistlər o nadan təəssübkeşlərə kömək etdilər, onlar üçün plan hazırladılar. Bu da bir nümunədir.

İnsan hüquqları və bu kimi məsələlərə dair dedikləri, özləri də bilirlər ki, həqiqətin əksinədir. Bunları təzyiq üçün deyirlər. İllərdir Amerika hər hansı bir dövlətin əleyhinə düşmənçilik etmək istədikdə üsullarından biri budur. Yəni o dövlətin əleyhinə şüar ucaldır ki, bu, insan hüquqlarının və demokratiyanın düşmənidir. Onlar özləri də bilirlər ki, bu həqiqət deyil; dünya da bunu bilir. Bu mühüm bir şey deyil.

Onlar dəfələrlə təkrar ediblər ki, İslam Respublikasından həqiqi istəkləri budur ki, İslam Respublikası Fələstin məsələsində öz mövqeyindən geri çəkilsin; yəni Fələstin mübarizəsini unudan ölkələr kimi İsraili rəsmən tanısın. Deyirlər ki, siz bu məsələni buraxın, Amerikanın dünyanın müxtəlif bölgələrində faəliyyətini qəbul edin, Amerikanın Fars körfəzi regionunun hadisələrindəki iştirakını qəbul edin və hamısından mühüm budur ki, Amerikanın İran hadisələrindəki nüfuzunu qəbul edin. Bu, Amerika rejiminin həqiqi istəyidir. Həqiqi və ciddi şəkildə istədikləri budur. Bunu digər sözlərin, ittihamların, əks-təbliğatın və bu kimi məsələlərin arxasında deyirlər. Lakin məsələnin məğzi budur.

Fələstini müdafiəyə görə təcrid olunmaqdan qorxmamaq

45 il öncə bir zülm baş vermişdir: Fələstin xalqının evi onlardan zorla alınmışdır. Bu ev tam şəkildə və heç bir qeyd-şərt olmadan Fələstin xalqına qaytarılmalıdır. İslam hökumətinin xüsusiyyəti budur ki, süni ajiotajla geri çəkilmir. Dayanmadan deyirlər ki, ağa, təcrid olarsınız. Təcrid olmaq nə deməkdir? Əgər dünyanın həyasız qüvvələri qalmaqal, hay-küy və səs-səda yaratmaqla gəlib nahaqqı haqq etmək istəsələr, biz də digərləri kimi razılaşıb deməliyik ki, düzgün buyurursunuz? Bəs İslam hökumətinin mənası nədir?

Bəli, məlumdur ki, batildən və qanunsuz zorakılıqdan başqa heç bir şeyə önəm verməyən şəxslər arasında insan təcrid olunacaq: “Kafir olanlar səni gördükləri zaman ancaq istehza edərlər“. Məlumdur! Məgər Peyğəmbər (s) dəvətini başlayanda təcrid olunmadı?! Məgər bizim Böyük İmamımız tağut hakimiyyəti dövründə öz evində qərib və təcrid halında deyildi?! Təcrid olmaq nədir? İslam hökumətinin haqq olanı demək, Amerikadan və dünyada əlbir olan güclərdən qorxmamaq comərdliyi və rəşadəti var. Bizimlə zəif və asılı bir ölkənin fərqi budur. Xalqlarına bağlanmayan hökumətlər qorxurlar. Onlar da əgər xalqlarına bağlansaydılar, öz daxillərində olanı deməyə cürət tapardılar. Biz xalqımıza bağlanmışıq, dayaqsız və köməksiz bir hökumət deyilik. Bir pərdə kimi deyilik ki, onu bir tərəfə çəksinlər və arxasında heç bir şey olmasın. Dayağımız çox güclüdür. Bizim dayağımız əzəmətli bir xalqdır, 50 milyondan artıq olan mömin bir xalqdır. Bizim dayağımız bizə və bizim ruhumuza hakim olan məntiq və əsaslardır.

Biz zülmə təslim olmarıq, Amerikanın və onunla əlbir olan qüvvələrin həyasız hegemonluqlarına və yekəxanalıqlarına təslim olmarıq. Quran bizə öyrətmişdir ki, haqq sözü qüdrətlə deyək, onun üstündə duraq, israr edək və onun üçün qüvvələrimizi toplayaq. Allah-Taala da təsirli edəcək və yardım göstərəcək. Necə ki, İran xalqının bu 15 illik qəhrəmanlıq dövründəki taleyimiz bunu isbat edir.