Fələstİn İslam İnqilabının Böyük Rəhbəri həzrət Ayətullah Seyid Əli Xameneinin baxışında

İkinci fəsil: Məqamlar

Fələstini müdafiənin fiqhi əsası

Bu məsələnin İslam hökmü aydındır. Müsəlmanların heç birinin Fələstin məsələsinə dair hökm barəsində şühbəsi yoxdur. Bu, cihad mövzusunun araşdırıldığı bütün fiqh kitablarında göstərilməsinədir. Əgər kafirlər gəlib müsəlmanların şəhərini tutsalar, yaxud mühasirəyə salsalar, müsəlmanların qədim və yeni fəqihlərinin heç biri bu yerdə eyni cihadın vacib olmasına şübhə etməmişdir. Bütün İslam məzhəbləri bunda həmrəydirlər. İbtidai cihad yetərli vacibdir, lakin bu yerdən başqa. Müdafiənin ən aşkar nümunəsi olan müdafiə cihadı eyni vacibdir.

Belə aydın və əhəmiyyətli bir məsələyə bu gün İslam dünyasında ikinci dərəcəli bir məsələ kimi diqqət yetirilir. Əlbəttə, birinci günah müsəlmanların başçılarının boynuna düşür. Əgər müsəlmanların rəhbərləri və İslam ölkələrinin başçıları bir yerdə və ciddi şəkildə Fələstinin xilasına qərar versələr, bacararlar.

İranın İsraillə əlaqəsinin olması ittihamı

Ötən on bir il ərzində beynəlxalq qurumlar nə zaman İslam Respublikasının sözünün xalqlar arasında nüfuzundan çox qorxmuşlarsa, İslam Respublikasına bir neçə ittiham irəli sürmüşlər. Biz onların işinin qaydasını bilirik. Nə zaman dünyada bu bir neçə ittihamın çox yayıldığını görürksə, hegemonçu qüvvələrin İslam Respublikasının sözünün nüfuzundan çox qorxduqlarını anlayırıq. Haradasa bizim xəbərimiz olmayan bəzi hadisələrin olması mümkündür. Lakin onlar xəbərdardırlar və qorxaraq bu bir neçə ittihamı sıralayırlar:

Bir ittiham İsraillə əlaqədir. Müsəlman xalqların işğalçı İsrail üzərində həssas olduqlarını və həmçinin sözün həqiqi mənasında və səmimi şəkildə müsəlman xalqlarla həmrəy olan dövlətin birinci növbədə İslam Respublikasının olduğunu bilirlər. Bilirlər ki, bizim böyük və mərhum imamımız hərəkatın başlanğıcında İsraillə mübarizəni hərəkatın əsas qaydası etmişdir. Buna görə də xalqlar arasında İslam Respublikasının nüfuzunun azalması üçün bir xəbər, şayiə, zümzümə və bazarlıq düzəldib deyirlər ki, bir yerdə biri o birindən bir şey alıb və satmışdır; biri İslam Respublikası tərəfindən, biri də İsrail tərəfindən.

Bu onların həmişə atdıqları böhtanlardan biridir. Maraqlı və qəribəsi budur ki, bu böhtanlar ətrafında ajiotaj yaradan şəxslərin özlərinin aşkar şəkildə, yaxud gizlicə İsraillə əlaqələri var. Regionun İsraillə gizli və məxfi əlaqələri olan bəzi mürtəce dövlətləri radiolarında bu məsələni müəyyən formada qalmaqal kimi ortaya qoyurlar. Biz elan edirik ki, hətta bir gün və bir saat da işğalçı, qanunsuz və xəbis İsrail dövləti ilə dostluq etməmişik, onlara məhəbbət göstərməmişik, ən kiçik və zəif rabitəmiz olmayıb və olmayacaq.

Son Peyğəmbərin (s) müqəddəs varlığına təhqir: Həmasa məğlub olmanın intiqamı

Bir neçə il öncə Avropa rəhbərlərindən biri mənimlə görüşdə məsihi və müsəlman müharibəsindən danışdı. Mən həssaslıq göstərdim. O şəxs çox ağır çəkili adam olmasa da, Amerikaya bağlı və o ölkənin ardıcılı olduğundan bu söz məni həssas etdi. Bu gün görürəm ki, sionizmin əlləri məsihi dünyasında və Avropada bu işə şərait hazırlayırlar. Ay yarım, yaxud iki ay öncə bir qəzetdə və bir ölkədə dərc olunmuş bir təhqir bir müddət ötdükdən sonra nə üçün yenidən Mərkəzi və Qərbi Avropa ölkələrində ardıcıl çap olunmalı idi? Bu işdə məqsəd nədir? Hansı əl bunu edir? Müsəlman xalqlar yerində və zamanında reaksiya göstərdilər və göstərməlidirlər də. Son Peyğəmbərin (s) müqəddəs varlığı İslam dünyasının bütün eşq və məhəbbətlərinin yönəldiyi mərkəz, bütün İslam məzhəblərinin vəhdətinin mehvəri və mərkəzidir. Müsəlmanların təəssübkeşlik, qeyrət və reaksiya göstərmələri lazımdır. Lakin hamı bilsin ki, bu mitinqlər və müsəlmanların bu lazımi və müqəddəs qəzəbi dünya məsihiləri əleyhinə deyil, sionistlərin gizli və xəbis əllərinin əleyhinədir. Onlar hegemonçu dünyanın siyasətçilərini oyuncaq etmişlər. Çoxlu media və informasiya vasitələri də onların ixtiyarındadır. Onlar bu gün indiki Amerika hökumətinə tam hakimdirlər və Avropada da fəaliyyət göstərirlər. Onlar Fələstində vurulduqda, Həmasın qələbəsi onları ən ağır şoka saldıqda o məğlubiyyəti müsəlmanların əleyhinə belə düzəltmək və Fələstindəki rüsvayçılıqlarının əvəzini başqa şəkildə çıxmaq istəyirlər.

Səkkizinci bölmə: İşıqlı gələcək

Doğru vədə: Qüdsün azadlığı

İnşallah Qüds barəsində bu həqiqi nigaranlıqlara rəğmən, şərafətli Qüdsün müsəlmanların əlinə düşəcəyi günü bəlkə də sizin çoxunuz görəcəksiniz. Biz olaq, yaxud olmayaq, hər halda bunu bir gün Fələstin xalqı və dünya xalqı müşahidə edəcək.

Fələstinin işıqlı gələcəyi

Ümidvarıq ki, Allah-Taala özünün lütf və bərəkətlərini Fələstin xalqına və İslam dünyasına nazil etsin, öz mərhəmətini və köməyini onlara şamil etsin. Biz üfüqləri işıqlı görürük. Biz müqavimətlə İslam dünyası və Fələstin üçün yaxşı gələcək proqnoz edirik. Biz düşünürük ki, İslam dünyasının ölümü və onun yekun təhqiri və xarlığı hegemonluğun və sionizmin artıq istəkləri qarşısında geri çəkilib təslim olacağı gündür. Ümidvarıq Allah belə bir günü və belə bir vəziyyəti heç zaman İslam dünyasına göstərməsin.

Biz əminik ki, müsəlman Fələstin xalqının mübarizələrinin davam etdirilməsi və İslam dünyasının dəstəyi ilə Fələstin Allahın lütfü ilə azad olunacaq, Beytülmüqəddəs, Əqsa məscidi və o İslam torpağının digər bölgələri İslam dünyasının ağuşuna qayıdacaq inşallah: "Və Allah öz işində qalibdir".

Bu gün bütün İslam hökumətlərinin və bütün İslam xalqlarının vəzifəsi budur ki, bacardıqları qədər bunlara kömək etsinlər. Mən iddia etmirəm ki, Fələstin məsələsi qısa müddət ərzində bitəcək. Lakin iddia edirəm ki, şübhəsiz, Fələstin fələstinlilərə qayıdacaq. Zamanın qısa, yaxud uzun olması mümkündür. Ödənilən qiymətin ağır, yaxud daha ağır olması mümkündür. Amma bu hadisə baş verəcək.

Təsirli olan İslam ölkələrinin biz məmurlarının və biz müsəlman xalqların rəftarıdır. Əgər yaxşı rəftar etsək, bu zaman qısalacaq bu qiymət azalacaq. Əgər biz pis rəftar etsək, bu zaman uzanacaq, qiymət ağırlaşacaq və onun bədəli təkcə Fələstin xalqının üzərinə düşməyəcək, bütün İslam dünyasının üzərinə düşəcək. Səhlənkarlıq edən şəxslər, zalıma kömək edən şəxslər özləri bu işin bədəlini verəcəklər; özləri bunun ziyanını çəkəcəklər və acılığını dadacaqlar.