Fənindən SƏRBƏst iŞLƏR №1-5

İkinci səviyyə kanal səviyyəsi adlanır. Kanal səviyyəsinin əsas vəzifəsi, uyğun idarəetmə protokolu (7 saylı ümumi kanal siqnallaşma sistemi – protokolu və onun tərkibinə daxil olan idarə etmə protokolu nəzərdə tutulur) əsasında informasiya sellərinin verilişinin doğruluğunu yüksəltməkdir. İkinci səviyyə birinci və ikinci səviyyələr arasında yerləşir. Kanal səviyyəsində fiziki səviyyənin xidmətlərindən istifadə edilir, mövcud texniki imkanlar genişləndirilir və onlar ikinci kanal səviyyəsinə təqdim edilir. Kanal səviyyəli şəbəkədə verici (mikrofon) və qəbuledici (telefon, ucadan danışanlar) arasında baş verən informasiya mübadiləsi çoxlu sayda aralıq (tranzit) qurğular (ATS-lər, veriliş sistemləri, qoşucu sistemlər və s.) tələb etdiyi üçün (veriliş sistemi dedikdə generatorlar, retranslyatorlar, verici qəbuledici antenlər başa düşülür) veriliş və qəbul tərəfdəki avtomat telefon stansiyaları öz aralarında protokolların ünvanları əsasında identifikasiya adlanan bir prosesdə iştirak edir. Kanal səviyyəsində kanalın (taktın) yaratdığı müxtəlif xarakterli səhvlər korreksiya edilir, eyni vaxtda qəbul ediləcək informasiya selləri ünvanlarına görə öz təsdiqini tapmalı və lazım gələrsə səhvli informasiyaların təkrar verilişi təşkil edilməlidir.
Üçüncü səviyyə paket kommutasiyalı (PK) şəbəkə adlanır. Üçüncü səviyyə şəbəkələr və ya stansiyalar arası rabitənin təşkili üçün nəzərdə tutulmuşdur. Üçüncü səviyyədə kommutasiya proseslərini idarə etmək üçün ilkin olaraq kanallarla daxil olan paketlərin (konkret uzunluqlu siqnal vahidləri nəzərdə tutulur) şlüzlərdə ünvanları emal edilir və onlar marşrutizatorların köməyi ilə istiqamətlər arasında paylanma prosesini həyata keçirilir. Üçüncü paket kommutasiyalı şəbəkə səviyyəsi artıq müxtəlif texnologiyalı IP-telefon şəbəkəsi deməkdir. Bu səviyyədə səhvli paketlər emal edilir və xidmət (əsas-baza əlavə servis xidmətləri) növləri nəzərdə tutulur. Üçüncü səviyyədə birləşmə yaratmaq üçün X.25 tövsiyəli şəbəkə protokolundan istifadə edilir.
Dördüncü səviyyə nəqliyyat səviyyəsi adlanır və onun vəzifəsi paketlər selini marşrutizatorların köməyi ilə istiqamətlər üzrə daşımaqdır. Bu səviyyədə Beynəlxalq Telekommunikasiya İttifaqi (ITU-T) tərəfindən tövsiyə edilən xidmət keyfiyyəti ilə seans (beşinci səviyyə) səviyyəsinin elementləri arasında məlumat mübadiləsi prosesi təmin edilir. Nəqliyyat səviyyəsində təqdim edilən xidmət növlərinin keyfiyyətləri, seans səviyyəsində tələb edilən səviyyəyə qədər çatdırılması nəzərdə tutulur. Nəqliyyat səviyyəsində ancaq paket kommutasiya metoduna xas olan keyfiyyət xarakteristikaları tətbiq edilir. Bu metodun tərkibinə aşağıdakı parametrlər aiddir:
 Paketlərin gecikməsi; Gecikmələrin vaxt intervalları (citter, variasiya); Aşağı, səviyyədə aşkar edilməyən səhv ehtimalı; Paketlərin itkisi; Şəbəkənin yükburaxma qabiliyyəti; p>0 ehtimalı (xidmət keyfiyyəti);
Nəqliyyat səviyyəsində paket informasiya sellərinin vaxtında ünvanlara çatdırılması təmin edilməlidir. Lakin aşağı səviyyədə əksinə paket informasiya sellərinin ancaq ayrı-ayrı şəbəkə elementinə vaxtında çatdırılması təmin edilir. Nəqliyyat səviyyəsinin əsas funksiyaları bunlardır:
 Müxtəlif parametrlərə görə xidmət keyfiyyətinə nəzarət; Paketlərin gecikməsinə nəzarət; Paketlərin son məntəqəyə vaxtında çatdırılması ehtimalı; Şəbəkənin yüklənmə qabiliyyətinin və resurslarının təmin edilməsi imkanı; Nəqliyyat səviyyəsindəki magistral kanalların birləşdirilməsi və onların bir-birindən ayrılması; Nəqliyyat səviyyəli magistral kanalların şəbəkə səviyyəli kanallara çevrilməsi; Yük mənbələrindən marşrutlar üzrə paket sellərinin paylanması və onların müxtəlif veriliş sürəti ilə son ünvanlara çatdırılmasına ümumi nəzarət.