Fənnin proqrami kursun məzmunu

Daxiletmə və xaricetmə operatorları

Turbo Pascalda standart daxiletmə READ, READLN və standart xaric etmə WRITE, WRITELN prosedurları vasitəsilə həyata keçirilir.

Bu prosedurların ümumi formatı aşağıdakı kimidir:

READ( fayl dəyişənin adı, dəyişənlərin siyahısı);

READLn( fayl dəyişənin adı, dəyişənlərin siyahısı);

WRITE( fayl dəyişənin adı, xaric edilən elementlərin siyahısı);

WRITELN( fayl dəyişənin adı, xaric edilən elementlərin siyahısı);

Standart daxiletmə əvvəldən təyin olunmuş, klaviatura ilə əlaqəli İnput adlı mətn faylında yerinə yetirilir. Standart xaric etmə isə əvvəldən təyin olunmuş, displey ilə əlaqəli Output adlı mətn faylında yerinə yetirilir. susmaya görə daxiletmə üçün İnput, xaricetmə üçün isə Output götürülür. Bunları nəzərə alsaq aşağıdakı proqram fraqmentləri ekvivalentdir.

READLn( input, A, B);

WRITELN(Output,’A=’,A,’B=’,B);

və

READLn(A, B);

WRITELN(’A=’,A,’B=’,B);

Turbo Pascalda standart daxiletmə və standart xaric etmə prosedurlarından istifadə edərkən aşağıdakıları nəzərə almaq lazımdır:

-READ, READLN prosedurları ilə yalnız tam, həqiqi, simvol, sətir tipli verilənlər oxunur;

-WRITE, WRITELN prosedurları ilə yalnız tam, həqiqi, simvol, sətir və bul tipli verilənlər yazılır.

Daxiletmədə Read prosedurundan fərqli olaraq Readln proseduru verilənlərin növbəti sətrin başlanğıcından oxunmasını təmin edir. Parametrsiz Readln –dən istifadə edildikdə verilənlərin oxunması başlanğıcından başlayır.

WRITELN prosedurunun hər bir elementi aşağıdakı kimi təsvir olunur:

Expr[:M[:D]]

burada: Expr – tam, həqiqi, simvol, sətir və bul tipindən olan xaric edilən ifadə;

M – xaricetmə sahəsinin uzunluğunu göstərən sıfırdan böyük tam tipli ədəd;

D- xaric edilənin onluq işarədəki rəqəmlərinin sayını göstərən sıfırdan böyük tam tipli ədəddir. Burada D

WRITELN proseduru mətn faylları üçün WRITE prosedurunun genişlənmiş variantıdır. Parametrsiz WRITELN proseduru faylın sonuna yalnız sətrin sonu işarəsinin yazır.