Finans Leasing ifrs report

Lizinqin klasifikasiyası. Maliyyə lizinqi bütün risk və faydaları əmlak sahibinin üzərinə keçirir. Mülkiyyət hüququ nəticədə ötürülə və ya ötürülməyə bilər. Bütün digər lizinqlər əməliyyat lizinqinə aid edilir.

Maliyyə lizinqi gəlirləri/Maliyyə gəlirlərinin uçotu. Şirkət maliyyə lizinqi gəlirlərini lizinqə qoyulmuş xalis investisiya məbləğində tanıyır. Lizinqə qoyulmuş investisiya lizinqə götürən tərəfindən zəmanət verilmiş məbləğ və zəmanət təqdim olunmamış qalıq məbləği daxil edilməklə (birlikdə lizinqə qoyulmuş ümumi investisiya) və lizinqə daxil edilən faiz dərəcəsi ilə nəzərə alınmamaqla hesablanmış minimum lizinq ödənişlərinin ümumi cəmi kimi hesablanr. Lizinqə hesablanmış fazi dərəcəsi lizinqin başlanma anında lizinqə qoyulmuş ümumi investisiya məbləğinin lizinq obyektinin ədalətli dəyərinə bərabər olmasını təmin edən endirim dərəcəsidir.

Lizinqə qoyulmuş ümumi investisiya ilə lizinqə qoyulmuş xalis investisiya arasındakı fərq gələcək dövrün maliyyə gəlirini əks etdirir. Gələcək dövrün maliyyə gəliri lizinq müddəti boyunca lizinqə əlavə edilmiş endirim dərəcəsi vasitəsilə amortizasiya olunur. Birbaşa olaraq lizinq münasibətlərinin təşkil edilməsi ilə əlaqədar olan əlavə xərclər Şirkətin istehsalat və dilinq məqsədləri üçün verdiyi lizinqlər istisna olmaqla, maliyyə lizinqi üzrə debitor borclarının ilkin məbləğinə daxil edilir və lizinq dövründə qeydə alınmış gəlirlərin həcmini azaldır. Bu halda həmin xərclər yekun satışlarda olduğu kimi satış üzrə qazancın bir hissəsi kimi xərcə silinir.

İcarəyə verən tərəfindən müəyyən edilmiş ilkin birbaşa xərclərə komissiya haqqı, hüquqi haqlar və lizinqin təşkili və danışıqlar üçün sərf olunan birbaşa və artan daxili xərclər aid edilir. Satış və marketinq komandasının xərcləri kimi ümumi xərclər ilkin birbaşa xərclərə aid edilmir. Maliyyə lizinqi üçün ilkin birbaşa xərclər maliyyə lizinqi gəlirlərinin ilkin ölçülməsinə daxil edilir və lizinq müddəti boyunca tanınmış gəlir məbləğini azaldır. Lizinqverən tərəfindən həyata keçirilmiş sığorta ödənişləri lizinqalan tərəfindən geri ödənilmədikdə həmin məbləğ minimal lizinq ödənişlərindən çıxılır.

Maliyyə lizinqi üzrə debitor borcları həmçinin lizinq əmlakının mülkiyyət hüququ ilə bağlı bütün əhəmiyyətli risk və faydaların qarşı tərəfə ötürüldüyü təqdirdə, quraşdırılmaqda olan avadanlıqları əks etdirir. Şirkətlər Qrupunun lizinq əmlakının quraşdırılmasından əvvəl lizinqalandan əldə etdiyi ödənişlər borc üzrə əsas məbləğin ödənilməsi kimi qeydə alınır. Şirkətlər Qrupu faiz gəlirlərini avadanlığın yekun quraşdırılma tarixindən başlayaraq hesablayır.

Lizinq əməliyyatının başlanma tarixindən sonra və lizinq müddətinin əvvəlində təchizatçıya verilmiş bütün avans ödənişləri digər aktivlərin tərkibində qabaqcadan ödənişlər kimi qeydə alınır. Şirkətin lizinq müddətinin başlanmasından əvvəl lizinqalandan əldə etdiyi ödənişlər lizinqalanlardan alınmış avanslar və digər öhdəliklərin tərkibində avanslar kimi göstərilir. Həmin məbləğlər lizinq müddətinin başlanma tarixində maliyyə lizinqi üzrə debitor borclarından çıxılır.