Bu’aa: Uwwisa teeknooloojii dabale
Milkaa’ina: Ga’umsaa fi bu’aa qabeessuumaa tajaajilaa fooyya’e
-
Aadaa fi naannoo hojii fooyyessuu
Ibsa (Description): Aadaa hojii jechuun mana hojii kam iyyuu keessatti hojjetaanis ta’e hoggansi sadarkkaa adda addaa irra jiru hojii bu’a qabeessa ta’e, sirnootaa fi seerota mana hojichaa kabajuun raawwachuu dha.
Kana dhugoomsuun kan danda’amu hojjetaan beekumsaa fi dandeetti qabu itti fayyadamee muuxannoo wal-jiijjiruun jaalala hojii horatee bu’aa buusuuf itti fufiinsaan akka hojjetu taasisuu dha. Aadaa hojii itti fufiinsa qabu mana hojii keessatti dagaagsuun duudhaalee fi amantaa walinii (shared values and beliefs) umuun akka danda’amu raawwii hojii sadarkaa dhuunfaa fi gareetti raawwatamu badhaasaa fi onnachiiftuuwwan adda addaattin walqabsiisuun barbaachisaa dha.
Miira gareen hojjechuu guddisuun, walta’iinsa hoggansaa fi hojjetootaa daran akka dabalu gochuun fi naannoo hojii mana hojii keenyaa hojjetaa haala hawwatu fi fedhii itti uumuu danda’uun hojjechuu ni barbaachisa.
Hogganaa fi raawwataan miira tajaajiltummaa ummataa uummanii kabaja lammii fi maamilaaf qaban guddisuudhaan yeroo hojii mootummaa kabajuu, iftoominaa fi amanamummaan haala naamusa ogummaa eegeen tajaajila gahaa, saffinaa fi qulqullina qabu, fakkeenyummaan kennuu akka danda’an hubannoo isaanii cimsuun hojii irra oolmaa karoora guddinaa fi traanisfoormeeshiniitiif gahee guddaa akka taphatan gochuu irra eegama.
Walumaagalatti, aadaa hojii guddisuun jijjiirama ilaalchaa mirkaneessuu, duudhaalee hojii uumuu, sirna oggansaa hirmaachisaa ta’e mirkaneessuu, sirna qaxarrii iftoomina qabu diriirsuu, misooma humna namaa, madaallii bu’aa giddugaleessa godhate hojii irra oolchuu, fi kan kana fakkaatan irratti xiyyeeffannoo ol’aanaa kennuun ni hojjetama.
Bu’aa: Aadaa hojii guddate
Milkaa’ina: Raawwii hojii dabale
Dostları ilə paylaş: | 
