Fragen – zum Text

KIRISH
1-§.Nemis tili harflari va tovushlari
Hamma tillardagidek nemis tilida ham yozuvda so’zlarni ifodalash uchun harf qo’llaniladi. Hozirgi nemis tilida 26 ta lotin harfi mavjud. Bu harflar uzoq yillar oldin jahonning boshqa tillaridagidek lotin tilidan kirib kelgan. Ko’pgina tillarda qo’llanilayotgan bu harflar turlicha talaffuz qilinadi , shuning uchun ham nemis tilini o’rganayotgan har bir kishi avval uning harflarini, ularning o’qitilishini, harf birikmalarini yaxshi o’rganishi kerak.

Nemis tili alfavitida yana qo’shimcha variantlar ham mavjuddir, bular Ää «а-umlant», Öö «o-umlaut», va Üü «u-umlaut». Ustiga ikki nuqta (umlaut) olgan bu harflar o’z tovushlarini o’zgartiradilar, ß «is-tset» esa faqatgina kichik harf sifatida qaysi bir so’zda ikkita “ss-es” bo’lsa shu ikki harfning o’rnida qo’llaniladi, masalan groß-katta, süß-shirin. Boshqa tillarda faqatgina atoqli otlar katta harflar bilan yozilsa, nemis tilida esa hamma otlar so’z o’rtasida, oxirida katta harf bilan yoziladi. Wir lernen Deutsch biz nemis tilini o’rganayapmiz. Nemis tili harflari boshqa bir harflar bilan qo’shilib ikkinchi bir tovushni ham hosil qiladi. Deutsch so’zini olsak bu so’zda olti harf mavjud, lekin to’rt tovushdan iborat, chunki “D” harfidan, keyin kelgan –eu harf birikmasi –oy, tsch esa –ch deb o’qiladi.