Galata'da, Haseki Sultan evkafına ait evin, burada mektep ve çeşme yapmak isteyen Gümrük emini Hasan'ın mülk evi ile istibdaline dair hüküm

17/134/642 Sancaktar Hayreddin mahallesindeki vakıf evin mutasarrıfının ölümü üzerine evi mülkü olmak üzre yeniden yapan oğlu İbrahim'in ölümü üzerine evin binası kendisine intikal eden kızı Afife Hatun'dan evi satın alan Hattat Osman'a evin zaptettirilmesine dair hüküm.

İstanbul kãdîsına hüküm ki:

Mahmiyye-i mezbûre sâkinlerinden Hattât Osmân gelüp müteveffiye Zâhide nâm hâtûn mahmiyye-i mezbûr mahallâtından Sancakdâr Hayreddîn mahallesinde vâkı‘ mutasarrıf olduğı mülk menzilinün süknâsını günde bir sûre-i Mülk tilâvet idüp sevâbın rûhına ihdâ itmek üzre teslîm-i mütevellî(?) ve tescîl-i şer‘î birle bir sâlih kimesneye vakf ve şart idüp ber mûceb-i şart-ı vâkıfe mutasarrıf olan Hasan nâm kimesne fevt oldukda ol menzilinün süknâsına(?) müteveffâ-yı mezbûrun sulbî oğlı İbrâhîm hüccet-i şer‘iyye ile mutasarrıf olup lâkin menzil-i mezbûr harâba müşrif olmağla mezbûr İbrâhîm menzil-i mezbûrda bâ izn-i mütevellî mâlıyla nefsiyçün mülki olmak üzre binâ ihdâs itdükden sonra fevt olup menzil-i mezbûrun binâsı bi hasebi’l-irsi’ş-şer‘î hasran vârisesi olan sulbiyye kızı Afîfe nâm hâtûna isâbet itmişiken menzil-i mezbûrun arsasın Kara Mustafâ nâm kimesne kıbel-i şer‘den kendüye tevcîh itdürdiğinden sonra binâsın dahi bi gayri hakkın gasb ve menzil-i mezbûrda kendi sâkin olmayup hilâf-ı şart-ı vâkıfe âhara îcâr itmeğle merkúm Hattât Osmân'un süknâya ihtiyâcı olmağla menzil-i mezbûrun mülk binâsın bundan akdem mezbûre Afîfe'den semen-i ma‘lûma iştirâ idüp mezbûr Kara(?) Mustafâ hilâf-ı şart-ı vâkıfe tasarrufdan men‘ ve menzil-i mezbûrun süknâsı kıbel-i şer‘den kendüye tevcîh olınup cânib-i şer‘den hüccet-i şer‘iyye virilmeğle mûcebince amel olınmak içün yazılmışdur.

[Fî] evâhir-i Ş sene [1]105 [17-25 Nisan 1694]

17/137/660 İstanbul'da, evini ölünceye kadar bakmak şartıyla bağışlayan, ancak bağışın geçerli olmaması sebebiyle evini geri almak isteyen kadın ve hasımları arasındaki ihtilafın ilgili kadılıkta görülmesine dair hüküm.

İstanbul kãdîsına hüküm ki:

Bağıcinân(?) nâm hâtûn gelüp İstanbul'da vâkı‘ arsası mukãta‘alu vakf binâsı mülki olan mutasarrıf olduğı menzilün binâsını ölünce beni gözedürsen senün olsun diyü mu‘tekalarından olan (boş) ve (boş) nâm hâtûnlara bin yüz (boş) senesinde hibe idüp lâkin hibe-i merkúme şer‘an sahîha olmamağla hâlâ menzil-i mezbûrı alup zabt itmek istedükde mezbûreler virmekde te‘allül üzre oldukların ve bu bâbda şeyhülislâmdan fetvâ-yı şerîfesi olduğın bildürüp mûcebince şer‘le görile diyü hüküm yazılmışdur.

Fî evâhir-i Ş sene [1]105 [17-25 Nisan 1694]

17/145/693 İstanbul'da, Hatice Hatun mahallesindeki evini vakfederek süknasını salihlere şart ettiği evin mutasarrıfı ve bu evin mescitte imam olanlara şart edildiğini söyleyip zaptetmek isteyen kimse arasındaki ihtilafın ilgili kadılıkta görülmesine dair hüküm.

Kãimmakãma ve İstanbul kãdîsına hüküm ki:

Mehmed gelüp İstanbul'da vâkı‘ Hadîce Hâtûn mahallesinde Sekernâs(?) Hâtûn mülkiyyet üzre mutasarrıfe olduğı menzilini tescîl-i şer‘î birle vakf ve süknâsını sulehâya şart idüp ve hâliyâ şart-ı vâkıf üzre mutasarrıf olup ta‘mîr ü termîm idüp dahl olınmak îcâb itmez iken Hâcı Hâtûn mescidinün(?) imâmı Mustafâ Hâcı İbrâhîm ve Mehmed ve Mustafâ ve Hüseyin ve Osmân ve Seyyid Alî ve el-Hâcc Mehmed ve (boş) nâm kimesnelere istinâd ile ol menzil mescid-i mezbûrda imâm olanlara meşrûta imiş alup zabt iderüm diyü nizâ‘ itmeğle şer‘le görilmek içün yazılmışdur.

[Fî] evâil-i N sene [1]105 [26 Nisan-5 Mayıs 1694]

17/157/744 Kirmastı'da, Orgoroğlı(?) İsa Bey evkafı ve Hazret-i Eyüp evkafı arasında Orgorlı(?) vakıf köyünün öşür ve resmine ilişkin niza sebebiyle Hazret-i Eyüp evkafı mütevellisi ve İstanbul'a ihzar ettirip haksız yere parasını aldığı İsa Bey evkafı mütevellisi arasındaki ihtilafın İstanbul kadılığında görülmesine dair hüküm.

İstanbul kãimmakãmına ve kãdîsına hüküm ki:

Kirmastı(?) nâibi mevlânâ Sa‘dî mektûb gönderüp kazâ-i mezbûrede vâkı‘ Orgoroğlı(?) müteveffâ Îsâ Beğ evkãfınun evlâdiyyet ve meşrûtiyyet üzre mütevellîsi olan Şeyh Abdullâh bin Abdülbâkï meclis-i şer‘a varup vakf-ı mezbûrun civârında vâkı‘ Hazret-i Eyyûb evkãfı karyeleriden Orgorlı(?) nâm vakf karye ile öşr ü resmine müte‘allık sınur nizâ‘ları olmağla bundan akdem (silik) murâfa‘adan bunlara(?) hüküm olınmışiken mütevellî-i mezbûr kanâ‘at itmeyüp mezbûr Abdullâh'ı Âstâne'ye ihzâr (silik) Mehmed (silik) bir sene zabt olınup mezbûr Abdullâh anbârun kilidini kırup öşrin kabz (silik) diyü zûr şâhid ikãmetiyle (silik) guruşın alup gadr itmeğle kizb-i sarîh olduğın cem‘-i gafîr ihbârlarıyla arz itmeğin şer‘le görilüp fi’l-vâkı‘ hilâf-ı şer‘-i şerîf akçesi alınduğı vâkı‘ ise muktezâ-yı şer‘-i şerîf üzre alıvirilmek içün yazılmışdur.

Fî evâil-i N sene [1]105 [26 Nisan-5 Mayıs 1694]

17/162/758 Üsküdar'da, Mihrimah Sultan evkafından, Üsküdarlı Mahmut Efendi halifesi Cennet(?) Mehmet Efendi'nin türbedarına aş ve ekmek verilmesine ilişkin evvelki emrin savsaklandığına, adı geçene ilk düşen mahlulden aş ve ekmek verilmesine dair hüküm.

Üsküdar'da vâkı‘ merhûm ve mağfûrun lehâ Mihrimâh Sultân tâbet serâhâ evkãfı mütevellîsi olan (boş) zîde kadruhûya hüküm ki:

Sulehâdan Süleymân Halîfe gelüp mezkûr Üsküdarî Mahmûd Efendi merhûmun hulefâsından ve merhûm Cennet(?) Mehmed Efendi'nün türbedârı olup pîr ü ihtiyâr ve emr-i ma‘âşda muzâyakası olmağla vakf-ı merkúm imâretinden düşen mahlûlden iki aş ile iki çift nân virilmek içün bundan akdem emr-i şerîfüm virilmişiken mahlûl âhara virilüp kendüsi avk u te’hîr olınduğın bildürmeğle sen ki mütevellî-i mûmâ ileyhsin mezkûr mahall ü müstahıkk olmağla ibtidâ düşen mahlûli emr-i şerîfüm mûcebince mezkûra virüp mümâna‘atdan ihtirâz eylemek bâbında fermân-ı âlîşânum sâdır olmışdur.

Fî evâil-i N sene [1]105 [26 Nisan-5 Mayıs 1694]

17/172/797 İstanbul'da, bazı gayrimenkullerinin gelir ve süknasını kızı Gevher'in azatlılarına vakfeden Ümmühani Hatun vakfına Haremeyn mütevellisince müdahale edilmemesine dair hüküm.

İstanbul kãimmakãmına ve müfettiş-i evkãf vekîline hüküm ki:

Mahrûse-i İstanbul sâkinelerinden Mu‘ammer nâm hâtûn arz-ı hâl ider mahrûse-i mezbûrda Ümmühânî nâm hâtûn bir bâb horasancı(?) dükkânı ve oda ve bostânın kızı Gevher'ün utekãsına şart ve galle ve süknâsın vakf itmeğle Haremeyn-i şerîfeyn mütevellîsi hilâf-ı şart-ı vakf müdâhale idüp mukaddemâ murâfa‘adan men‘ birle hüccet-i şer‘iyye virilmişiken müdâhale olınmağla fetvâsı ve hüccet-i şer‘iyyesi mûcebince şer‘le hüküm yazılmışdur.

Fî evâil-i N sene [1]105 [26 Nisan-5 Mayıs 1694]

17/173/802 Üsküdar'da, Valide Sultan câmi‘ ve imâreti evkafına ait Üsküdar'da Yeni Hamam'ın iki yıl için vakıftan Hacı Mehmet'e kiralandığına, kiracının hamamın bazı eksiklerini kira bedeline karşılık gidereceğine, kalanı da her ay belli taksitle ödeyeceğine dair hüküm.

Üsküdar kazâsı nâibine hüküm ki:

El-Hâcc(?) Mehmed gelüp Üsküdar'da vâkı‘ merhûm Vâlide Sultân tâbet serâhunun câmi‘-i şerîf ve imâret-i âmireleri evkãfı akãrından olup(?) medîne-i Üsküdar'da Hammâm-ı cedîd dimeğle ma‘rûf Çiftehammâmun senesi ber vech-i maktû‘ yalnız kırk altı bin akçe olup üç (kesik) bir tahvîl ile bin yüz beş senesinde vâkı‘ Mart ibtidâsından bin yüz yedi senesi Martı gãyetine varınca zabt itmek üzre cânib-i vakfdan buna îcâr olınup senevî maktû‘ı olan kırk altı bin akçeden on bin akçesi mukãbelesinde hammâm-ı mezbûrun (kesik) câmların ve kapu kesimlerin(?) ve hasırların vesâir mühimmâtın görüp bâkï kalan otuz altı bin akçeyi kısta’l-yevm hisâbı üzre beher mâh üçer bin akçe cânib-i vakfa edâ eylemek üzre vakf-ı mezbûr mütevellîsi İsmâ‘îl zîde kadruhû tarafından mühürlü temessük virilmeğle mûcebince zabt itdürilmek içün yazılmışdur.

[Fî] evâil-i N sene [1]105 [26 Nisan-5 Mayıs 1694]

17/179/834 İstanbul'da, Halil Paşa ve biraderi Mehmet Paşa evkafı mali darlık içinde olduğundan, vakfiyede bildirilenler dışındaki vazifelerin verilmemesine dair hüküm.

Kãimmakãm ve İstanbul kãdîsına hüküm ki:

İstanbul'da vâkı‘ müteveffâ Halîl Paşa ve birâderi Mehmed Paşa evkãfınun mütevellîsi olan el-Hâcc Mehmed zîde kadruhû gelüp vakf-ı mezbûrun müsâ‘adesi olmayup kurâ ve mezâri‘ olup ve vakfiyyede zevâyidinden kimesneye vazîfe ta‘yîn olınmayup îrâdı şart-ı vâkıfda olan mesârife ancak vefâ idüp ve cizyeleri mîrîden alınup vakf za‘îf olmağla edâ-yı hıdmet idenler bile rakabe çeküp gadr olınduğın bildürüp hüküm recâ itmeğin vakf-ı mezbûrun îrâdı ve mesârifi ma‘rifet-i şer‘le görilüp îrâdından fazla usûl-i vakfdan hâric olan vezâyif virilmemek emrüm olmışdur.

[Fî] evâil-i N sene [1]105 [26 Nisan-5 Mayıs 1694]

17/185/861 Belge bulunamadı

İstanbul'da, Sultan Selim evkafından ilk düşen mahlulün geçim sıkıntısı içinde olan ilim talebesi İbrahim'e verilmesine dair hüküm.

İstanbul'da Sultân Selîm evkãfınun mütevellîsine hüküm ki:

İbrâhîm gelüp mezbûr talebe-i ilm olup menzili muhterik olmağla emr-i ma‘îşetde ziyâde zarûreti olmağla sen ki mütevellî-i mezkûrsın ibtidâ düşen mahlûlden mezbûra arz eylemen üzre yazılmışdur.

[Fî] evâsıt-ı N sene [1]105 [6-15 Mayıs 1694]

17/185/862 Belge bulunamadı

İstanbul'da, Sultan Süleyman evkafından ilk düşen mahlulün Şeyh Mehmet'e verilmesine dair hüküm.

İstanbul'da Sultân Süleymân evkãfı mütevellîsine hüküm ki:

Şeyh Mehmed gelüp fakïrü’l-hâl olmağla sen ki mütevellî-i mûmâ ileyhsin düşen mahlûli arz eylemen üzre yazılmışdur.

evâsıt-ı N [1]105 [6-15 Mayıs 1694]

17/191/888 İstanbul'da, Raziye Hatun'un süknasını iradlularına(?), bunların inkırazından sonra da gelirini Medine yoksullarına şart edip vakfettiği evde oturmak isteyen kadın ve bu evi Medine vakfından kiraladığını iddia eden şahıs arasındaki ihtilafın ilgili kadılıkta görülmesine dair hüküm.

İstanbul kãimmakãmına ve kãdîsına hüküm ki:

Mu‘ammer(?) nâm hâtûn gelüp bundan akdem Râziye nâm hâtûn İstanbul'da mülk menzilin tescîl-i şer‘î ve teslîm ile’l-mütevellî birle vakf süknâ ve vakfun(?) irâdlularına(?) ba‘de’l-inkırâz gallesi Medîne-i münevvere fukarâsına şart idüp bu mezbûrenün irâdlularından(?) mevcûde olmağla şart-ı vâkıf üzre ol menzil[de] sâkine olmak murâd eyledükde Ahmed nâm kimesne menzil-i merkúmı Medîne-i münevvere vakfı mütevellîsinden istîcâr eyledüm diyü zabt idüp fetvâ-yı şerîfe mûcebince şer‘le görile yazılmışdur.

Fî evâil-i N sene [1]105 [26 Nisan-5 Mayıs 1694]

17/199/920 İstanbul'da, Balatkapısı yakınında Hızır Çavuş mescidi vakfının mütevellisi olan Mehmet'in tevliyetine müdahale olunmamasına dair hüküm.

Âstâne kãimmakãm paşaya ve İstanbul monlâsına hüküm ki:

Mahrûse-i İstanbul'da Balat kapusı kurbında vâkı‘ müteveffâ Hızır Çâvûş mescid vakfınun evlâdiyyet ve meşrûtiyyet üzre berâtıyla mütevellîsi Mehmed gelüp bu vakf-ı merkúmun mütevellîsi olmağla umûr-ı vakfı istikãmet üzre görüp ve (...) evkãfdan olmağla sene be sene bir def‘a muhâsebesi görilüp dahl olınmaz iken sâbıkã mütevellîsi olan A‘rec İbrâhîm ve İsmâ‘îl ve Sâlih Odabaşı ve Dülgeroğlı Hâcı Mustafâ ve Kuloğlanı Murâd ve sâbıkã kâtib olan dîğer Sâlih umûr-ı vakfda alâkaları yoğiken bir def‘a senün muhâsebeni görüp ve tevliyeti(?) âhara virürüz diyü dahl eyledüklerin bildürüp hüküm recâ itmeğin hilâf-ı şer‘-i şerîf dahl ü rencîde olınmamak içün.

Fî evâsıt-ı N sene [1]105 [6-15 Mayıs 1694]

17/202/928 İstanbul'da, Küçük Çekmece'deki Abdüsselam evkafından vazifesi olan fakat birkaç sene seferde bulunduğundan birikmiş vazifesini alamayan şahıs ve vakıf mütevellisi arasındaki ihtilafın ilgili kadılıkta görülmesine dair hüküm.

İstanbul paşasına ve kãdîsına hüküm ki:

Hâcı Ahmed gelüp bu müteveffâ Abdüsselâm evlâdından olup mahrûse-i İstanbul'da Küçük Çekmece'de vâkı‘ evkãfından almak üzre yevmî yiğirmi beş akçe vazîfe evlâdiyyet üzre üzerinde olup lâkin birkaç sene sefer-i hümâyûnda bulınup mütevellîsi zimmetinde kalmağla şer‘le görilmek içün yazılmışdur.

Fî evâsıt-ı N sene [1]105 [6-15 Mayıs 1694]

17/208/957 İstanbul'da, babalarının Büyük Ayasofya yakınında mutasarrıf olduğu evin tasarrufu kendilerine şart ve vakfettiği kardeşler ve evi mütevellisinden kiraladıktan sonra ölen kiracının eşi arasındaki ihtilafın ilgili kadılıkta görülmesine dair hüküm.

İstanbul paşasına ve kãdîsına hüküm ki:

Seyfullâh ve Abdülkãdir nâm kimesneler ile Safiyye nâm hâtûn gelüp bunlarun babaları Avnî Efendi dimeğle ma‘rûf kimesne mahmiyye-i İstanbul'da Ayasofya-i kebîr kurbında mutasarrıf olduğı mülk menzilinün tasarrufı teslîm-i mütevellî birle evlâdlarına vakf ve şart idüp babaları fevt olmağla nevbet-i tasarruf kendülere intikãl itmişiken bunlarun karındaşlarından Sun‘ullâh nâm kimesne menzil-i mezbûrun mütevellîsi olmağla tevliyeti hasebiyle menzil-i mezbûrı reis-i sâbık Memiş(?) Ahmed Efendi hilâf-ı vâkıf îcâr idüp mezbûr Ahmed fevt olmağla zevcesi Fâtıma nâm hâtûn ol menzili zevcüm müteveffâ-yı mezbûr hayâtında bana ferâğat eyledi diyü fuzûlî zabt idüp gadr eyledüğin bildürüp yedinde olan fetvâ-yı şerîfesi mûcebince şer‘le görilmek içün yazılmışdur.

Fî evâsıt-ı N sene [1]105 [6-15 Mayıs 1694]

17/209/961 İpsala'da, ceddi Hoca Hamza evkafının tasarruf nöbeti Saliha'nın iken evladından Mustafa'nın bir yolla berat ettirdiği kaydı evvelce silinmişken, yeniden çıkardığı beratın da Küçük evkaf muhasebesinden silinmesine dair hüküm.

İstanbul kãimmakãmına:

Sâliha nâm hâtûn gelüp bunun ceddi Hâce Hamza kasaba-i İpsala'da vâkı‘ evkãfınun tevliyeti evlâdınun sinnen ekberi olanlara ve ba‘de (...) vakfiyye-i ma‘mûlün bihâsında mukayyed olup nevbet-i tasarruf mezbûre Sâliha'nun iken evlâdından Mustafâ nâm kimesne hilâf-ı şart-ı vâkıf bir tarîkile berât itdürüp mezbûr Mustafâ'nun kaydı ref‘ olmış iken tekrâr Âstâne tarafından berât itdürüp gadr itmeğin Küçük evkãf muhâsebesinden ref‘ olınmak üzre yazılmışdur.

[Fî] evâsıt-ı N sene [1]105 [6-15 Mayıs 1694]

17/209/962 İstanbul'da, Hoca Hamza evkafının tevliyetinin elinde olan Maliyye beratı gereğince Saliha'ya zaptettirilmesine dair hüküm.

İstanbul monlâsına [ve] İpsala kãdîsına hüküm ki:

İstanbul'da müteveffâ Hâce Hamza evkãfınun Sâliha gelüp tevliyet-i merkúme bunun üzerinde iken Mustafâ nâm kimesne Âstâne tarafından berât itdürmeğle yedinde olan Mâliyye berâtı mûcebince zabt itdürilmek içün yazılmışdur.

[Fî] evâsıt-ı N sene [1]105 [6-15 Mayıs 1694]

17/219/997 İstanbul'da, Büyük Ayasofya yakınındaki Lala Hayreddin mescidi evkafı mütevellisi ve mescidin evkafına ait olduğu mahkeme kararı ile sabit olan eve müdahale edenler arasındaki ihtilafın ilgili kadılıkta görülmesine dair hüküm.

İstanbul kãdîsına hüküm ki:

Mahrûse-i İstanbul'da Ayasofya-i kebîr kurbında vâkı‘ Lala Hayreddîn mescidi evkãfınun mütevellîsi Mehmed nâm kimesne gelüp mahrûse-i mezbûrda ma‘lûmetü’l-hudûd menzil mescid-i mezbûrun evkãfından oldığı vech-i şer‘î üzre sâbit ve hüccet olmışiken âhardan (boş) ve (boş) nâm kimesneler mülk iddi‘âsıyla müdâhale itmeleriyle vakfa gadr eyledüklerin bildürüp hüccet-i şer‘iyye mûcebince amel olınup hilâf-ı şer‘ dahl ü ta‘arruz olınmamak bâbında hükm-i hümâyûn recâ itmeğin şer‘le görilmek içün yazılmışdur.

Fî evâsıt-ı N sene [1]105 [6-15 Mayıs 1694]

17/221/1004 Eyüp evkafına ait mutasarrıf olduğu bahçesini kiraya veren şahıs ve kiracısı arasındaki ihtilafın ilgili kadılıkta görülmesine dair hüküm.

Hâslar kãdîsına hüküm ki:

Sâdât-ı kirâmdan Seyyid Halîl arz-ı hâl idüp Hazret-i Ebâ Eyyûb-i Ensârî aleyhi’r-rahmetü’l-Bârî evkãfınun akãrâtından mutasarrıf olduğı ma‘lûmetü’l-hudûd bâğçesin medîne-i mezbûr sâkinlerinden Ömer nâm kimesne bin yüz (boş) senesinde (boş) pâre(?) üçer akçeye olmak üzre müslimânlar muvâcehesinde altı bin beş yüz akçeye icâre ile virüp mezbûr Ömer dahi ol minvâl üzre kavl-i kabûl itmiş iken taleb eyledükde virmekde te‘allül ü inâd eyledüğin bildürüp şer‘le görilüp icrâ-yı hakk olınmak içün şer‘le görilmek içün yazılmışdur.

Fî evâsıt-ı N sene [1]105 [6-15 Mayıs 1694]

17/224/1021 Üsküdar'da, Mihrimah Sultan evkafı mahlulünden Şeyh Mustafa'ya birkaç fodula verilmesine dair hüküm.

Üsküdar'da Mihrimâh Sultân evkãfı mütevellîlerine hüküm ki:

Müteveffâ şeyhülislâmî hulefâsından olup Şeyh Mustafâ gelüp mezkûr Belgrad'dan(?) gelüp yedi seneden berü ehl ü iyâliyle sâkin olacak bir süknâsı veyâhûd tekyesi olmayup kemâl-i ihtiyâcile zarûreti olduğın bildürüp vakf-ı merkúm imâretinden düşen mahlûlinden birkaç fodula virilmek bâbında hüküm recâ itmeğin mezbûra(?) arz eylemek içün yazılmışdur.

Fî evâsıt-ı N sene [1]105 [6-15 Mayıs 1694]

17/226/1031 İstanbul'da, Halil Paşa evkafından ilk düşen mahlulün yoksul Halil'e verilmesine dair hüküm.

İstanbul'da Halîl Paşa evkãfı mütevellîsine hüküm ki:

Halîl gelüp fakïrü’l-hâl olmağla sen ki mütevellî-i mezkûrsun ibtidâ düşen mahlûli mezbûra arz eyleyesin diyü emr-i şerîf yazılmışdur.

[Fî] evâsıt-ı N sene [1]105 [6-15 Mayıs 1694]

17/233/1064 İstanbul'da, vakıf arsaya mülkü olmak üzere ev yapıp kira bedelini vakfa ödeyen kiracı ve bu eve müdahale eden mütevelli arasındaki ihtilafın ilgili kadılıkta görülmesine dair hüküm.

İstanbul kãimmakãmına ve kãdîsına hüküm ki:

El-Hâcc Abbâs gelüp İstanbul'da (boş) evkãfı akãrâtından olan vakf arsa taht-ı icâresinde olmağla izni³⁰ mütevellî ve kendü mâlıyla nefsiyçün binâ ihdâs ve birkaç eyyâm sâkin ve ecr-i misle mu‘âdil icâresin taraf-ı vakfa edâ idüp binâsı mülki olup âhardan dahl olınmak iktizâ itmez iken hâlâ mütevellî olan (boş) nâm kimesne menzil-i mezbûra fuzûlî müdâhale eyledüğin ve bu bâbda şeyhülislâmdan fetvâsı mûcebince amel olına diyü yazılmışdur.

Fî evâsıt-ı N sene [1]105 [6-15 Mayıs 1694]

17/233/1066 İstanbul'da, Mimar Sinan mahallesinde Selime Hatun vakfına ait evi zapteden şahıs ve mahkeme kararına dayanarak evi isteyen kişi arasındaki ihtilafın ilgili kadılıkta görülmesine dair hüküm.

İstanbul kãimmakãmına ve monlâsına hüküm ki:

El-Hâcc Mustafâ arz-ı hâl ider İstanbul'da Mi‘mâr Sinân mahallesinde Selîme Hâtûn vakfından vakf menzilin (boş) nâm kimesne teğallüben zabt itmeğle yedinde olan hüccet-i şer‘iyye mûcebince şer‘le görilmek içün hüküm yazılmışdur.

Fî evâhir-i N sene [1]105 [16-25 Mayıs 1694]

17/235/1078 İstanbul'da icâreteyn usulü ile arsaya mutasarrıf olan sadrazam Mustafa Paşa'nın oğulları çocuksuz ölüp mutasarrıf oldukları arsa vakfa dönmüşken, buna aykırı davranan mirasçılarından arsanın alınıp vakfa zaptettirilmesine dair hüküm.

İstanbul kãdîsına hüküm ki:

Müteveffâ Murâd Paşa evkãfınun mütevellîsi Murâd gelüp vakf-ı merkúmdan İstanbul'da vâkı‘ icâre-i mu‘accele ve müeccele ile olınagelen akãrâtından vakf arsaya mutasarrıf olan vezîr-i a‘zam-ı sâbık müteveffâ Mustafâ Paşa'nun oğul(kesik) oğulları (boş) ve (boş) bin yüz (boş) senesinde bilâ veled fevt olup mutasarrıf oldukları arsa vakfa intikãl intikãl³¹ itmişiken veresesi vakfdan istîcâr(?) irsen kendülerine intikãl ider bilâ temessük zabt eyleyüp fetvâ-yı şerîfesi mûcebince arsa-i merkúme vakfiçün zabt itdürilmek üzre şer‘le görilmek içün yazılmışdur.

Fî evâsıt-ı N sene [1105] [6-15 Mayıs 1694]

17/236/1081 İstanbul'da, Hüsrev mahallesinde mutasarrıf olduğu mülk evin kira bedelini vakıf mütevellisine vermeğe razı şahıs ve ecr-i mislinden ziyade para isteyen mütevelli arasındaki ihtilafın ilgili kadılıkta görülmesine dair hüküm.

Âstâne kãimmakãmına ve kãdîsına hüküm ki:

İvaz(?) nâm kimesne gelüp mahrûse-i mezbûr mahallâtından Hüsrev mahallesi dimeğle ma‘rûf (boş) nâm mahallede mutasarrıf olduğı mülk menzilinün icâresini vakf-ı mezbûr mütevellîsine virmeğe râzî iken vakf-ı mezbûr mütevellîsi olan (boş) nâm kimesne kanâ‘at itmeyüp sâir vakflarun ecr-i mislinden ziyâde akçe talebiyle rencîde itmeğle ecr-i mislinden ziyâde akçe talebiyle rencîde itmeyüp şer‘le görilmek içün hüküm yazılmışdur.

Fî evâhir-i N sene [1]105 [16-25 Mayıs 1694]

17/240/1098 İstanbul'da, Yedikule haricinde Kara Mustafa Paşa evkafına ait hanın, vakıfça su getirilip havuz yapılması şartıyla kiralandığına, bu şartlar yerine getirilmediği için kira akdinin geçerli olmadığına, bu sebeple hanın vakfa ve ödenen paranın da kiracılara iadesine dair hüküm.

İstanbul kãimmakãmına ve İstanbul kãdîsına hüküm ki:

Mehmed zîde kadruhû ile Norsis ve Mardros nâm zimmîler gelüp mahrûse-i İstanbul'da Yedikulle hâricinde müteveffâ Kara Mustafâ Paşa evkãf akãrâtından bin doksan bir senesinde altı bin beş yüz guruşa istîcâr eyledükleri hâna cânib-i vakfdan su getürdilüp ve havz yapdurılmak üzre kavl olınup lâkin vech-i meşrûh üzre su getürdülmeyüp ve havz yapdurılmamak ile şer‘an îcârı sahîh olmayup taraf-ı vakfdan meblağ-ı merkúmı taleb eyledüklerinde evkãf-ı mezbûrun mütevellîsi olan Mehmed te‘allül üzre olmağla emr-i şerîf virilüp murâfa‘a olduklarında hân-ı mezbûr girü vakfa redd ve meblağ-ı merkúm bunlara hüküm edâya tenbîh olmışiken muhâlif³² eyledüğin yedinde olan hüccet mûcebince şer‘le tahsîl olınmak içün yazılmışdur.

[Fî] evâhir-i N sene [1]105 [16-25 Mayıs 1694]

17/240/1099 İstanbul'da, sadrazam Koca Mehmet Paşa evkafına ait evin yıkılmakta olan yerlerinin, usulüne göre evkaf mahsulünden onarılmasına dair hüküm.

İstanbul kãimmakãmına ve kãdîsına hüküm ki:

Vezîr-i a‘zam-ı sâbık müteveffâ Koca Mehmed Paşa evlâdından (boş) zîde kadruhû arz-ı hâl idüp mahrûse-i merkúmede vâkı‘ müşârun ileyh süknâsını evlâd ve evlâdına vakf ve şart eyledüği bir bâb menzilün harâba müşrif olan mahalleri evkãfı mahsûlinden ta‘mîr ü termîm olınmak üzre vakfiyye-i ma‘mûlün bihâsında mastûr iken hâlâ menzil-i merkúmun ba‘zı mahalleri termîme muhtâc olup vakfda müsâ‘ade olmağla bu dahi menzil-i mezbûrun termîme muhtâc olan mahallerin ber mûceb-i şart-ı vâkıf [vakf-ı] mezbûrun mütevellîsi ve nâzırı ma‘rifetiyle ve izn-i şer‘le termîm itdürmek murâd eyledükde vakf-ı mezbûr mürtezikalarından ba‘zıları hilâf-ı şart-ı vâkıf mâni‘ oldukların bildürmeğle vakfiyye-i ma‘mûlün bihâsında tasrîh olınduğı üzre ma‘rifet-i şer‘le ta‘mîr ü termîm itdürilmek içün yazılmışdur.

Fî evâhir-i N sene [1]105 [16-25 Mayıs 1694]

17/241/1101 İstanbul'da, sadrazam Koca Mehmet Paşa evkafı mahlullerinin vakıf mütevellisince arz edileceği açıkça belirlenmişken, buna aykırı müdahalenin önlenmesine dair hüküm.

İstanbul kãdîsına hüküm ki:

Mahmiyye-i İstanbul'da vâkı‘ vezîr-i a‘zam-ı sâbık müteveffâ Koca Mehmed Paşa evkãfınun evlâdiyyet üzre mütevellîsi olan Abdullâh zîde kadruhû arz-ı hâl idüp vakf-ı mezbûr kimesne nezâretinde olmayup vakfiyye-i ma‘mûlün bihâsında vâkı‘ olan mahlûlâtı mütevellî-i vakf arz eyleyüp hilâf-ı şart-ı vâkıf âhardan müdâhale olınmamak üzre ta‘yîn ü tasrîh olınmışiken mezkûr sefer-i hümâyûnda olup ol tarafda vekîli var iken sen ki vezîr-i müşârun ileyhsin hilâf-ı şart-ı vâkıf tarafundan arz olınduğın bildürmeğle hilâf-ı şart-ı vâkıf bir ferde dahl ü mu‘âraza itdürilmemek içün yazılmışdur.

Fî evâhir-i N sene [1]105 [16-25 Mayıs 1694]

17256/1166 Hâslar kazasına bağlı Hasköy'deki vakfın tasarruf nöbeti evlada şart edilmişse başkasına müdahale ettirilmemesine dair hüküm.

İstanbul kãimmakãmına ve kãdîsına hüküm ki:

Ahmed gelüp bunun ecdâdı(?) İbrâhîm nâm kimesne Hâslar kazâsına tâbi‘ Hasköy nâm mahallde vâkı‘ vakfınun tasarruf ve gallesin evlâd u evlâdına şart ve ta‘yîn idüp evlâddan Mahmûd mutasarrıf iken fevt olup nevbet-i tasarruf buna intikãl idüp lâkin bu mahmiyye-i Edirne'de bulınmağla sen ki Mevlânâ-yı mûmâ ileyhsin vakf-ı mezbûr tevliyeti hilâf-ı şart-ı vâkıf kethudân (boş) nâm kimesneye arz idüp berât itdürüp gadr olınmağla sen ki vezîr-i müşârun ileyh ve Mevlânâ-yı mûmâ ileyhsin meşrûtaları olup nevbet-i tasarruf bunlarun ise âhara müdâhale itdürilmemek içün yazılmışdur.

Fî evâil-i L sene [1]105 [26 Mayıs-4 Haziran 1694]