Elm və mədəniyyət xadimləri
Hüseyn Arif haqqında.
H. Arif xalq müdrikliyinin hadisəsidir. O, bizim ədəbiyyatımızın bütün zamanları üçün yenidən doğulan müdriklərdəndi. Xalq nə qədər müdrikləşsə H. Arif də o qədər müdrikdi. Xalqı ilə yaşayan şair müdrik olmaya bilməz. H. Arif xalqımızın bütün düşüncə tərzini, müdrikliyini özündə birləşdirən sənətkardır. O, təbiətin özüydü, təbiətdə isə gözəl olmayan şey yoxdur.
AMEA-nın müxbir üzvü, millət vəkili
Nizami Cəfərov.
Mən Hüseyni sevirəm. Ona görə ki, Hüseyn ənənələrinin üzərində yüksələn, öz qəlbinin səsini dinləyən şairdir. O, köhnə ənənəvi şeir formalarında da bu günün fikirlərini, bu günün duyğularını tərənnüm edir.
Xalq şairi Bəxtiyar Vahabzadə.
Hüseyn təkrarolunmaz sənətkardır. O, aşıq yaradıcılığını, el şairlərimizi, dastanlarımızı, bayatılarımızı demək olar ki, əzbər bilir. Yaddaşı xalq yaradıcılığının canlı ensklopediyasıdır.
Dostları ilə paylaş: |