| Yarımavtomatik bloklama
Yarımavtomatik bloklama – YAB qatarların intervalla hərəkətini nizamlamaq məqsədilə az fəaliyyətli dəmir yollarında istifadə olunur. Yarımavtomatik bloklama ona görə adlanır ki, əməliyyatların bir hissəsi, yəni işarə göstəriciləri avtomatik olaraq dəyişdirilir, digər hissəsi isə stansiya növbətçisi tərəfindən yerinə yetirilir. Yarımavtomatik bloklama sistemli sahələrdə mənzildə ancaq bir qatar ola bilər. Qatarburaxma işini artırmaq üçün böyük məsafəli mənzillərdə iki post qurulur. Belə olan halda birinci posta qatar stansiyanın çıxış svetaforu əsasında yola düşür və ikinci postu keçid svetaforunun göstəricisinə müvafiq keçir.
TİQ-ə görə yarımavtomatik bloklama qurğusu qarşıdakı posta qədər mənzil boşalmayana qədər çıxış svetaforunun və yaxud keçid svetaforunun açılmasına yol verməməlidir. Yarımavtomatik bloklama sistemi avtomatik olaraq qatarın gəlməsinə nəzarət edir, lakin onun tam şəkildə qəbulunu təmin edə bilmir. Qatarın tam şəkildə stansiya yoluna daxil olmasına stansiya növbətçisi nəzarət edə bilir.
Dostları ilə paylaş: |
