Asosiy vositalarni qabul qilish - korxona asosiy vositasining kapital qo’yilmalar, chorva mollari podasini tashkil etish uchun sarflash va yana boshqa sub’ektdan qaytarib bermaslik sharti bilan berilgan asosiy vositalarni qabul qilib olish.
Keltirilgan asosiy vosita belgilangan hujjatlar asosida (qabul qilish-topshirish dalolatnomasi va hokazo) baholanadi, hujjatlar to’ldiriladi va 0100 “Asosiy vositalarni hisobga oluvchi hisobvaraqlar”i debetida aks ettiriladi.
Asosiy vositalar bo’yicha analitik hisob asosiy vositalarning turlari va alohida ob’ektlar bo’yicha olib boriladi.
Asosiy vositalarning qoldiq qiymati - Asosiy vositaning boshlang’ich qiymati bilan eskirish summasi o’rtasidagi farq.
Asosiy vositalarning hisobdan chiqarilishi - shunday jarayonki sotish, boshqa korxonaga berish va asosiy vositalar eskirishi natijasida foydalanishga yaroqsiz bo’lib qolishi yoki ulardan foydalanish va tiklash iqtisodiy jihatdan maqsadsiz bo’lib qolishi tufayli yuqotilishidir. Asosiy vositani hisobdan chiqarish vaqtida korxona xarajat qilish bilan birga, daromad ham olishi mumkin. Asosiy vositani hisobdan chiqarishda 9210 “Asosiy vositalarning chiqib ketishi” hisobvarag’idan foydalaniladi. Ushbu hisobvaraqning debetida hisobdan chiqariladigan asosiy vositalarning boshlang’ichqiymati, shuningdek, hisobdan chiqarish bilan bog’liq bo’lgan xarajatlar (binolarni, inshootlarni buzish, materiallarga ajratish, uskunalarni qismlarga bo’lish va h.k.) aks ettiriladi. 9210 “Asosiy vositalarning chiqib ketishi” hisobvarag’i kreditida esa asosiy vositalarning hisobdan chiqarilayotgan vaqtidagi eskirish summasi, sotishdan tushgan daromad va ulardan olingan moddiy boyliklardan foydalanish mumkin bo’lgan yoki sotish baholari aks ettiriladi.
Hisobdan chiqarilgan asosiy vositalarning har biri bo’yicha alohida hisob olib borilib, 9210 hisobvaraq bo’yicha analitik hisob yuritiladi.
Asosiy vositani hisobdan chiqarish xarajatlari -asosiy vositani buzish, qismlarga ajratish, asosiy vositani tugatish va boshqa jarayonlar bilan bog’liq xarajatlari.
