Tənbeh və rütbə
Böyük Rəhbər hərbi işləri bir hərbiçiyə xas formada yerinə yetirir. O, öz proqramlarında, görüşlərində və çıxışlarında hərbi məqamlara ciddi riayət edir.
1988-ci ildə o, Əhvaza gəldi. Bölgənin yüksək rütbəli zabitləri onun yanında hərbi əməliyyatlar haqqında iclas keçirdilər. Yüksək komandanlardan biri və cənub əməliyyat bölməsinin zabiti bu iclasa poqonsuz gəlmişdi. Quran oxunduqdan sonra Ayətullah Xameneinin gözü o zabitə sataşdıqda buyurdu: “Cənab, siz nə üçün poqon taxmamısınız?” Mən onda Müdafiə Nazirliyinin Quru Qoşunlarında komandan müavini idim. Amma bu məsələ diqqətimi çəkməmişdi. O zabit cavabında dedi: “Mən general olmalı idim, amma ikinci dərəcəli general olmuşam. Bu rütbə mənim üçün çox azdır”. Ağa qəzəbləndi və buyurdu: “Siz qanunu pozmusunuz, bu intizamsızlıqdır. “Bu rütbə azdır” nə deməkdir, gedin poqonlarınızı taxın”.
Ağanın nizam-intizam yaratmaq üçün belə qətiyyəti çox tərifəlayiqdir. Ən çox mənəvi və ruhani hesab olunan bir komandan hərbi nizam- intizama bu qədər əhəmiyyət verir. Biz hərbçi ola-ola bu məsələyə diqqət yetrməmişdik, amma Ağa bu məsələni əhəmiyyətli bilib o zabitə qarşı təpki göstərdi.
Həmin şəxs iki ildən sonra lütf və mərhəmət sayəsində general oldu.
General Əliəsğər Camali
Dostları ilə paylaş: |
