Uşaq oyunları
Bir-iki, bizimki oyunu: Uşaqlar yığışıb iki-on nəfər dəstə olardı. Dəstənin hərəsi bir tərəfdə dayanardı. Bir dəstənin uşaqları deyirdilər: – Bir-iki, bizimki, üç-dörd, qapını ört, beş-altı, daş altı, yeddi-səkkiz, qırx səkkiz, doqquz-on, qırmızı don, on bir-on iki, erməni börkü.
O biri dəstə deyirdi: – Qoyunu üç cüt bir tək, oğlu iki, qızı bir tək, çoban əlində tütək, dağlar olubdu çiçək, orağı veriz bir biçək, ayran olub, ver içək, insan olub tülkü tək, qorqası var bir ətək, çarqatı var dürr-ipək, süzəni ver bir biçək, meymuna köynək tikək, toxumu ver səpək, heç nəyi yox əl çəkək.
Sonra dəstə əl-ələ verib halay çəkərdi.
Dostları ilə paylaş: |
