3. 1. Etnooykonimlərin leksik-semantik təhlili Etnonimik oykonimlər qəbilə, tayfa, nəsil və s. əsasında yaranmış oykonimlərdir. Onlar yaşayış məntəqələrinin adlarından ibarətdir. Gürcüstan ərazisindəki etnonimik oykonimlərin yaranması səbəbləri müxtəlifdir. Bunların bir qismi şəxs adları (buraya ləqəb, ayama, titul, rütbə bildirən sözlər də aiddir), bir qismi isə tayfa, nəsil, xalq, soy, tirə adları əsasında yaranmışdır. Bu baxımdan etnonimik oykonimləri semantik baxımdan iki yerə ayırmaq daha düzgün olardı:
