Haqqin iZİ İLƏ

13. Abdullah ibn əl-Qüddus Razı;

İbn Həcər onun düz danışan olduğunu bildirmişdir.¹² Buna baxmayaraq, Əbu Übeyd və ibn Həcər onu rafizlikdə ittiham etmişlər.¹³ Zəhəbi onun kufəli rafizi olduğunu bildirmişdir.¹⁴ Onun rəvayətləri “Səhihi-Buxari”¹⁵ və “Səhihi-Tirmizi”də¹⁶ öz əksini tapmışdır.

14. Abdullah ibn Saleh Hərəvi (h. q. 233);

Yəhya ibn Muin onun etibarlı və düz danışan olduğunu bildirmişdir.¹⁷ Buna baxmayaraq, Darqutni onu xəbis rafizi adlandırmışdır.¹⁸ Onun rəvayətləri “Sünəni-İbn Macə”də nəql olunmuşdur.¹⁹

15. Əbd əl-Məlik ibn Əyun Kufi;

Əbu Hatəm onu düz danışan və hədisləri yazılan biri olaraq təqdim etmişdir.²⁰

İbn Hibban onu etibarlı rəvayətçilərdən biri hesab etmişdir.²¹ Əqili onu rafizi şiə adlandırmışdır.²² Buna baxmayaraq, onun rəvayətləri “Səhihi-Buxari”²³, “Səhihi-Müslim”²⁴, “Sünəni-Tirmizi”²⁵ və “Sünəni-Nəsai”də²⁶ nəql olunmuşdur.