Haqqin iZİ İLƏ

YEDDİNCİ AMİL

ƏHLİ-BEYTİN (Ə) FƏZİLƏTİNİ GÖSTƏRƏN HƏDİSLƏR

Belə hədislərdən bir neçə nümunəyə nəzər salaq:

1. “Nur” hədisi;

Peyğəmbər (s) buyurmuşdur: “Mən və Əli dörd yüz min il bundan öncə vahid nur idik. Allah həzrət Adəmi yaratdıqdan sonra həmin nuru iki hissəyə böldü. O nurun bir hissəsi mən, digər hissəsi isə Əlidir” ¹.

Bu hədisi səkkiz səhabə, səkkiz tabei, qırxdan çox əhli-sünnə alimi nəql etmişlər.

2 “İnsanların ən sevimlisi” hədisi;

Peyğəmbərdən (s) nəql olunan bir hədisdə deyilir: “Allahın xalq arasında ən sevimlisi Əlidir”.

Tirmizi özünəməxsus sənədlə Ənəs ibn Malikdən nəql edir: Peyğəmbərin (s) qarşısında qızardılmış toyuq var idi. Həzrət (s) buyurdu: “İlahi! Ən sevimli bəndəni mənim yanıma göndər, mənimlə yemək yesin. Bu zaman Əli (ə) gəldi və həzrətlə (s) birgə yemək yedi”².

Bu səhih hədisi doqquz səhabə, doxsan bir tabei və əlli əhli-sünnə alimi nəql etmişlər. Onlardan yeddisi bu hədis haqqında kitab yazmışdır. Bir coxları bu hədisin səhih olduğuna heç bir şübhə olmadığını dilə gətirmişlər. Belə alimlərə misal olaraq, aşağıdakıları göstərmək olar: Məsudi³, İbn Əbd əl-Birr⁴, Məhəmməd ibn Təlhə Şafei⁵, Safuri ⁶, Fəzl ibn Ruzbəhan⁷.