Haqqin iZİ İLƏ

7. Haris ibn Abdullah Həmdani (h. q. 65);

Zəhəbi onun haqqında yazır: “Əllamə İmam Züheyr Haris ibn Abdullah ibn Kəb ibn Əsəd Həmdani Kufi Əlinin (ə) səhabələrindən olmuşdur. O, böyük biliyə malik fəqih idi. İslamın erkən çağlarında şiə alimlərindən sayılırdı”.⁷ İbn Hibban onu şiəlikdə qülüv edənlər sırasına daxil etmişdir⁸. İbn Həcər yazır: “Onun şiə olduğu göstərilmişdir”.⁹ Buna baxmayaraq, onun hədisləri “Sünəni-Əbu Davud”¹⁰, “Sünəni-Tirmizi”¹¹, “Sünəni-İbn Macə”¹² və “Sünəni-Nəsai”¹³ də nəql edilmişdir.

8. Həmran ibn Əyun;

İbn Hibban onu siqə rəvayətçilər sırasına daxil etmişdir¹⁴. İbn Həcər isə onu rafizi adlandırmışdır¹⁵. Buna baxmayaraq, “Sünəni-İbn Macə”də ondan hədislər nəql olunmuşdur.¹⁶

9. Ziyad ibn Münzir (h. q. 50);

İbn Hibban onu etibarlı rəvayətçilər sırasına daxil etmişdir.¹⁷ İbn Ədi onu Kufə qalilərindən biri kimi qələmə vermişdir.¹⁸ İbn Həcər isə onun rafizi olduğunu qeyd etmişdir¹⁹.

Buna baxmayaraq, Tirmizi ondan rəvayət nəql etmişdir.²⁰