Haqqin iZİ İLƏ

ŞİƏNİN XALQLA DAVRANMA VƏZİFƏLƏRİ

1. 
   İmam Sadiq (ə) buyurmuşdur: “Ey şiələr! Siz bizə mənsubsunuz. Bizim zinətimiz olun. Elə bir iş görməyin ki, camaat bizə qarşı pis fikirdə olsun”⁷.
   
2. 
   “Allah rəhmət etsin xalq arasında bizi sevdirən, xalqın bizə qarşı düşmən mövqedə olmamalarına səbəb olan bəndəyə. And olsun Allaha, camaat bizim sözlərimizin üstün cəhətlərini görsələr, (hər keçən gün) daha məğlubedilməz olacaqlar. Heç bir zaman kimsə onlara yetə bilməz”⁸.
   

3. “Ey Əbu əl-Əla! Allahın salam və rəhmətini bizim şiələrimizə çatdır və mənim tərəfimdən onlara de: “Allah mərhəməti yaxşıya dəvət, pisə qadağa ilə xalqın sevgisini özünə və bizə cəlb edən bəndənin üzərindən əskik olmasın”⁹.

4. “Ey şiələr! Bizə zinət olun. Hörmətimizin sınmasına səbəb olmayın. Camaatla gözəl sözlərlə danışın. Dillərinizi qoruyub çox danışmaqdan, dilinizə pis sözlər gətirməkdən çəkinin”¹⁰.

5. İmam Hadi (ə) şiələrinə müraciətlə buyurur: “Təqva qazanın. Bizə zinət olun. Hörmətimizin sınmasına səbəb olmayın. Dostluğu, sevgini bizə doğru çəkin. Hər bir qəbahəti bizdən uzaq edin”¹.