| Otun qurd yumurtası və sürfələrinə görə müayinəsi
Heyvanlar helmintlərlə əsasən otla yoluxurlar. Otu diktiokaulyusa, mədə-bağırsaq sürfələrinə, fassiola adoleskarilərinə görə müayinə edirlər. Otda qurd yumurtalarına az təsadüf edirlər. Ona görə də onu yumurtalara görə demək olar ki müayinə etmirlər. Nematodların invazion sürfələri ot üzərində şaquli və üfüqi istiqamətdə hərəkət edirlər. Otu sürfələrə görə müayinə etmək üçün otlaqdan götürülmüş nümunənin aşağı hissəsi qayçı ilə xırda-xırda hissəciklərə bölünüb Berman aparatından istifadə edilir. Fassiola adoleskarisini otun gövdə və yarpaqları üzərində adi gözlə də görmək olar. Adoleskari ota təzə yapışan zaman ağımtıl, sonra sarımtıl, daha sonra tünd-qəhvəyi rəngdə olur.
Dostları ilə paylaş: |
