Qaramal dərisinin Stüard üsulu ilə tədqiqi. Qarın boşluğu nahiyəsində dərinin 1 sm2 sahəsi qırxılıb dezinfeksiya edildikdən sonra əyri qayçı ilə 3x2 mm ölçüdə kəsilir. Dəri parçası üzərində 1 damla fizioloji məhlul olan cism şüşəsinə qoyulur və didici iynə ilə möhkəm parçalanır. Toxuma qırıntıları atılır, maye isə mikroskop altında müayinə edilir.
Əzələlərin trixinell sürfələrinə görə yoxlanması (kompressor və ya yeyinləşdirilmiş üsul).Diafraqma ayaqcıqlarından, qabırğaraarası, döş və əzələnin sümüyə bəndlənən yerlərindən 24 kəsik götürülür. Kəsiklər kompressariuma yerləşdirilir və üstü şüşə ilə örtülür. Əzələ parçaları tamamilə yastılanır. Hazırlanmış kəsiklərə trixinelloskop altında baxılır.
