Heveryar ranta 1 Eru, ye andanéya mi rimbe lúli ar mi rimbe léli quente atarilvannar I Erutercánoinen, 2

RANTA 11

Savie ná i varnasse nation pa yar mo same estel, i tanie nanwaron yar mo en ua cene. 2 An síte saviénen i yárar camner *vettie.

3 Saviénen tuntalve i náne Ea *partaina Eruo quettanen, ar sie ya ná cénima utúlie yallo ua apantaina.

4 Saviénen Ável *yance Erun *yanca ambe mirwa epe ta Caino, ar tana saviénen camnes *vettie i anes faila, Eru *vettala pa annaryar, ar ter ta en carpas, ómu qualles.

5 Saviénen Énoc náne mapaina oa, se-pustien ceniello qualme, ar únes hírina, pan Eru nampe se oa. Nó anes mapaina camnes i *vettie i anes mára Eruo hendusse. 6 Ente, ú saviéno ua cárima náve mára sen, an mauya yen tule hare Erunna save i eas, ar i paityas aiquen ye cesta se.