An ilya héra *airimo mapaina ho mici atani ná panyaina rá atanin or nati Eruva, *yacien annar ar *yancar pa úcari. 2 Istas lenga milyave in penir istya ar nar ránie, pan yando sé illume tunta véra milya sómarya, 3 ar síve caris *yancar rá i lien, tambe mauya sen care *yancar yando rá insen – pa úcare.
4 Ente, quén ua came alcar sina insenen, mal eryave íre náse yálina lo Eru, ve náne yando Áron. 5 Sie yando i Hristo ua *alcaryane inse, ve qui carnesexe héra *airimo. Ye se-carne sie náne ye quente pa se: "Tyé ná yondonya; inye síra óne tye." 6 Mi imya lé quetis yando hyana nómesse: "Elye ná *airimo tennoio, mi lérya Melciserec."
