Həyat fəALİYYƏTİNİn təHLÜKƏSİZLİYİ” FƏNNİ ÜZRƏ MÜhaziRƏ I. ƏMƏk mühafiZƏSİ


Təhlükəsizlik texnikası üzrə ümumi istehsalat tədbirlərinə



Yüklə 1,31 Mb.
səhifə14/154
tarix01.01.2022
ölçüsü1,31 Mb.
#104225
1   ...   10   11   12   13   14   15   16   17   ...   154
Təhlükəsizlik texnikası üzrə ümumi istehsalat tədbirlərinə aşağıdakılar aid edilir:

  • istehsalat mədəniyyətinin yüksəldilməsi;

  • texniki təhlükəsizlik qaydalarına riayət olunması;

  • texnoloji proseslərə nəzarət;

  • alətlərin sazlığı;

  • giriş və çıxışların istənilən genişlikdə olması;

  • işçilərin xüsusi iş geyimləri ilə təmin edilməsi və s.

İstehsal mühitiylə qarşılıqlı təsirdə olaraq, insan əlverişsiz təsirlərə məruz qala və ya məruz qalmaya bilər. Onun adət etdiyi və onun orqanizminin uyğunlaşdığı şəraitlərdə də o əlverişsiz təsirlərə məruz qala bilər. İstehsal mühitində istənilən əhəmiyyətli dəyişiklik işləyənə mənfi təsirlərlə müşayiət olunur. İstehsalat mühitinin sağlamlaşdırılması üçün nəqliyyat müəssisələrində uyğun tədbirlər həyata keçirilir.

Akkumulyatorların təmir olunduğu otaqlarda siqaret çəkmək, kibrit yandırmaq, açıq alovla iş görmək qadağan edilir. İş sahələrinin ventilyasiyasına ciddi nəzarət olunmalıdır. Batareyadakı gərginliyi qısaqapanma ilə yoxlamaq olmaz, bunun üçün yoxlayıcı çəngəllərdən istifadə edilir.

Müəssisədə texniki təhlükəsizlik qaydaları haqda bildiriş asılır. Bu qaydaları pozan şəxs aşağıdakılarla təlimatlandırılır: xəbərdarlıq, töhmət, ciddi töhmət və 3 aya qədər müddətdə vəzifəsinin azaldılması.

Müəssisələrin layihələri dövlət ekspertizasından keçirilməli, istehsal vasitələrinin sınaq nümunələri isə əməyin mühafizəsi və təhlükəsizlik texnikası normalarının tələblərinə uyğunluğu dövlət sınaqlarından çıxarılmalıdır. İnsanın sağlamlığına təsirini müəyyənləşdirmək məqsədi ilə texnoloji, yanğın-texniki, sanitariya-gigiyena, tibbi-bioloji ekspertizadan və digər nəzarət növlərindən keçirilməmiş zərərli maddələrin, xammalın, materialların tətbiqi qadağandır.

Hər hansı yeni və ya yenidən qurulmuş müəssisənin, obyektin, istehsal vasitəsinin müəyyən edilmiş qaydada əmək qanunvericiliyinə əməl olunmasına dövlət nəzarətini həyata keçirən orqan tərəfindən verilən sertifikat-pasportu olmadan istismara buraxılması qadağandır.

Dövlət müvafiq ixtisas məktəblərində ölkədə mövcud istehsalat xüsusiyyətlərini nəzərə almaqla əməyin mühafizəsi üzrə mütəxəssislərin hazırlanmasını təmin edir. İşəgötürənlər və müəssisələrin rəhbər işçiləri 3 ildə bir dəfədən az olmayaraq əməyin mühafizəsi üzrə vaxtaşırı ixtisasartırma kurslarında təlim keçməli və bu sahədə onların bilikləri yoxlanılmalıdır. İşçilərin təliminin və ixtisasartırmanın bütün formalarında əməyin mühafizəsi üzrə təlim nəzərdə tutulmalıdır. İşəgötürən işə qəbul edilən və başqa işə keçirilən işçilərə əməyin mühafizəsi üzrə təlimatlar verməli, onlara təhlükəsiz iş üsullarından istifadə etməyin və bədbəxt hadisələrdən zərərçəkənlərə ilk tibbi yardım göstərilməsi qaydalarının öyrədilməsini təşkil etməlidir.

Zərərli, ağır istehsalatlardakı iş yerlərinə, peşələrə (vəzifələrə) və yüksək təhlükə mənbəyi olan maşın, mexanizmlərdə, avadanlıqlarda işləmək üçün işə götürülən işçilərin qabaqcadan əməyin mühafizəsi üzrə təlimatlandırılması keçirilmədən əmək funksiyasının icrasına başlamasına yol verilmir. İşəgötürən bu təlimatlandırmaların xüsusi jurnallarda qeydiyyatını və onların uçotunu aparmağa borcludur. İşəgötürən hər il əmək şəraitindən və əməyin təhlükəsizliyi vəziyyətindən, zədələnmələrin və xəstələnmələrin səviyyəsindən asılı olaraq əməyin mühafizəsi üzrə tədbirlərin keçirilməsi üçün lazımi maliyyə vəsaiti və material ayırır. Bu vəsaitlərin başqa məqsədlərə sərf edilməsi qadağandır.

Əmək şəraiti zərərli və təhlükəli olan istehsalatlarda, həmçinin xüsusi temperatur şəraitində aparılan və ya çirklənmə ilə bağlı işlərdə çalışan işçilərə müəyyən edilmiş normalara müvafiq pulsuz xüsusi geyim, xüsusi ayaqqabı və digər fərdi mühafizə vasitələri, yuyucu və dezinfeksiyaedici maddələr verilir.

Əməyin mühafizəsi xidmətinin mütəxəssisləri əməyin mühafizəsi qaydalarına və normalarına əməl olunmasına nəzarət etmək, aşkara çıxarılmış pozuntuların aradan qaldırılması barədə vəzifəli şəxslərə icrası məcburi olan göstərişlər vermək, habelə əməyin mühafizəsi haqqında qanunvericiliyi pozan şəxslərin intizam məsuliyyətinə cəlb edilməsi barədə işəgötürənə təqdimatlar vermək hüququna malikdirlər.




Yüklə 1,31 Mb.

Dostları ilə paylaş:
1   ...   10   11   12   13   14   15   16   17   ...   154




Verilənlər bazası müəlliflik hüququ ilə müdafiə olunur ©muhaz.org 2024
rəhbərliyinə müraciət

gir | qeydiyyatdan keç
    Ana səhifə


yükləyin