Höccətül-islam vəl-müslimin Haci Əbdurrahman Yusifpur İslam diNİNDƏ qadin məSƏLƏSİ

Höccətül-islam vəl-müslimin

Haci Əbdurrahman Yusifpur


İSLAM DİNİNDƏ QADIN MƏSƏLƏSİ
Tərcümə edini:

Haci Soltan

Kərşivəz Nazim

Bakı-1995

Bismilləhir Rahmənir Rahim.
MÜQƏDDİMƏ
Müstəqillik əldə etmiş Azərbaycan Respublikasında İslam dininin bərqərar olması müsəlmanların dinimizdə qarşıya qoyulmuş bu və ya digər məsələlərini dərindən, elmi surətdə mənimsənilməsi tələb edir. Digər tərəfdən də bəşəriyyətin nicat yolu olan İslamın geniş yayılması, getdikcə rövnəq tapan qəlbləri fəth edən bu dinin məhz bu səbəbdən başqa dini və siyasi qurum, cəmiyyət, hətta dövlətlər tərəfindən, təzyiqə məruz qalması göz qabağındadır. Cəmiyyətdə elə bir hadisə, reallıq yoxdur ki, İslam ona öz münasibətini bildirməsin. Müqəddəs Qurani-Kərimdə müxtəlif mövzulara toxunulmuşdur ki, onlardan biri də qadın məsələsidir.

Höccətul-islam vəl-Muslimin Haci Əbdurrahman Yusifpur ağanın bu kitabı da həmin məsələdən bəhs edir.

Bu kitabın ərsəyə yetirilməsində də məqsəd İslamın qadına olan münasibətini, qadının cəmiyyətdəki huquqlarını və onun rolunu xalqa çatdırmaqdır.

Kitabda İslamdan əvvəl müxtəlif dövlətlərdə, eləcə də Ərəbistanın özündə qadının mövqeyi izah edilmiş, İslamda qadına münasibət və bu münasibətin mahiyyəti açılmış, tarixdə İslamdan əvvəlki dövrdə qadının rolu haqqında baxışlar göstərilmiş, qadının huquqlarından biri olan hicab məsələsi Quranın, Peyğəmbərin (s), imamların, Şərq və Qərb mütəfəkkirlərinin mövqeyindən araşdırılmış, onun içtimai faydaları, hicaba olan müsbət və mənfi meylərinin səbəbləri nəzərdən keçirilmişdir. Qadının tarixdə rolu İslam tarixi nöqteyi-nəzərdən muxtəsər şəkildə yazılmış, xanımlar-xanımı Həzrət Fatimənyi-Zəharnın haqında məlumatlar verilmiş, İslam qadınları üçün bir örnək kimi onun həyatından bəzi mətləblər işıqlandırılmışdır.

Biz oxucular da əvvəlcədən müəllifə təşəkkürünü bildirir. İslam və elm yolunda cəkdiyi zəhmətin əcrini Allah-Təaladan diləyirik.