Html hujjatda Css texnologiyasi bilan ishlash

QARSHI DAVLAT UNIVERSITETI

FIZIKA-MATEMATIKA FAKULTETI

Informatika o`qitish metodikasi 3-kurs 018-55 guruh talabasi

Ibragimova Hayitgul Abdumalikovna

Xush kelibsiz mening Web Sahifamga

CSS texnologiyasi, asosan Web-dizaynerlar tomonidan qo‘llaniladi. Chunki bu texnologiya saytning

dizayni uchun javob beradi. Bu sohani barcha Web-sayt loyihalovchilari bilishi lozim. Texnologiya sayt

ko‘rinishini juda osonlik bilan o‘zgartirish imkonini beradi. CSS - JavaScript bilan birgalikda dinamik

HTML- sahifalar yaratish imkoni beradi. CSS (ingl. Cascading Style Sheets - kaskadli ko‘rinishlar jadvali) -

biror ko’rsatmalar tili (HTML, XHTML) dan foydalangan holda, hujjatning tashqi ko‘rinishini tasvirlash

tilidir. Shuningdek, CSS XML- hujjatlarga ham qo‘llanilishi mumkin.

CSS yaratilishidan asosiy maqsad, Web-sahifaning mantiqiy tuzilishini tavsiflash (HTML

yordamida) hamda Web-sahifaning tashqi ko‘rinishini tavsiflashni bir-biridan ajratishdan iborat. Bunday

ajratish, hujjatga ko‘proq moslashuvchanlik va tavsiflashni boshqarishda katta imkoniyatlar beradi, dastur

kodi takrorlanishining oldini oladi va hujjat tuzilishini soddalashtiradi. CSS bitta hujjatni turli usullarda

tasvirlash imkonini beradi. Bunday usullarga ekranda chop etish, qog‘ozda chop etish, ovozli o‘qish dasturi

yordamida chop etish hamda Brayl (ko‘rlar uchun mo‘ljallangan) shriftlarida chop etishni misol sifatida

keltirish mumkin.