Azərbaycan Texniki Universitetinin magistrantı Tapşırıq. Təhsil aldığınız ixtisasın yenilikləri barəsində şifahi nitq hazırlayın və qrup yoldaşlarınız qarşısında çıxış edin. Unutmayın ki, nitq işgüzar ünsiyyətin komponenti kimi səs, tövr, mövzu və istifadə edilən vasitələrə görə yaxşı bir müsahibənin keyfiyyətlərinə malik olmalıdır. Bu tələblərdən bir neçəsini müəyyənləşdirək:
Nitq əvvəldən axıra qədər çox maraqlı, cəlbedici və faydalı olmalıdır.
O, kompozisiya baxımından düzgün tərtib edilməli və girişə, mənanın yerləşdiyi əsas hissəyə və yekuna malik olmalıdır.
Nitq fərdi həmsöhbət, yaxud böyük auditoriya qarşısında çıxış üçün nəzərdə tutulmasından asılı olaraq, dinləyicilərə yönəlmiş olmalıdır.
Nitq tərkibi müxtəlif olan auditoriyaya hesablanmalıdır.
Yalnız eşitməklə qavranılaraq, məqsədə yetişməlidir.
