I bob. Demografik tahlilga kirish

4.1-jadval
Doimiy aholi sonini baholash, kishi

Satr	Ko‘rsatkichlarning nomi	Ko‘rsatkichlarning hisoblanishi	2015 yil
1.	Hisobot davri boshiga doimiy aholi soni		27 072 172
2.	Hisobot davri oxiriga doimiy aholi soni	1-satr + 4-satr – 6-satr + 10-satr – 12-satr	27 533 372
3.	Hisobot davrida doimiy aholining o‘rtacha soni	(1-satr + 2-satr) / 2	27 302 772
4.	Hisobot davrida jami tug‘ilganlar		646 096
5.	1000 aholiga nisbatan tug‘ilish koeffitsienti, promille	(4-satr / 3-satr) * 1000	23,7
6.	Hisobot davrida jami o‘lganlar		138 792
7.	1000 aholiga nisbatan o‘lim koeffitsienti, promille	(6-satr / 3-satr) * 1000	5,1
8.	Aholining tabiiy o‘sishi	4-satr – 6-satr	507 304
9.	1000 aholiga nisbatan tabiiy o‘sish koeffitsienti, promille	(8-satr / 3-satr) * 1000 5-satr – 7-satr	18,6
10.	Hisobot davrida ko‘chib kelganlar soni		149 732
11.	1000 aholiga nisbatan ko‘chib kelish koeffitsienti, promille	(10-satr / 3-satr) * 1000	5,5
12.	Hisobot davrida ko‘chib ketganlar soni		195 836
13.	1000 aholiga nisbatan ko‘chib ketish koeffitsienti, promille	(12-satr / 3-satr) * 1000	7,2
14.	Aholining migrastion o‘sishi (kamayishi)	10-satr – 12-satr	-46 104
15.	1000 aholiga nisbatan migrastion o‘sish (kamayish) koeffitsienti, promille	(14-satr / 3-satr) * 1000 11-satr – 13-satr	-1,7
16.	Aholining umumiy o‘sishi (kamayishi)	8-satr + 14-satr	461 200
17.	Hisobot davrida onalar o‘limi soni		145
18.	100 000 tug‘ilganlarga nisbatan onalar o‘limi koeffitsienti, prostentemille	(17-satr / 4-satr) * 100 000	22,4
19.	1 yoshgacha o‘lgan bolalar soni		7 975
20.	1000 tug‘ilganlarga nisbatan 1 yoshgacha bolalar o‘limi koeffitsienti, promille	(Utj / Tj + Ut-1j / Tj-1 ) * 1000	12,5
21.	Hisobot davrida tuzilgan nikohlar soni		250 159
22.	1000 aholiga nisbatan nikoh tuzish koeffitsienti, promille	(21-satr / 3-satr) * 1000	9,2
23.	Hisobot davrida nikohdan ajralishlar soni		16 417
24.	1000 aholiga nisbatan nikohdan ajralish koeffitsienti, promille	(23-satr / 3-satr) * 1000	0,6
25.	Hisobot davrida barcha sabablarga ko‘ra o‘lganlar soni		138 792
26.	100 000 aholiga nisbatan o‘limning barcha sabablari bo‘yicha koeffitsienti, prostentemille	(25-satr / 3-satr) * 100 000	508,3

U = Uu + Ub,
bu yerda: U – o‘lganlar soni;
Uu – o‘lgan shaxsning doimiy yashash joyi hamda o‘lgan joyi bitta ma’muriy hududiy birlikda bo‘lganlar;
Ub – o‘lgan shaxsning doimiy yashash joyi hamda o‘lgan joyi turli ma’muriy hududiy birlikda bo‘lganlar.
O‘zbekiston Respublikasining xorijdagi konsullik muassasalari tomonidan rasmiylashtirilgan fuqarolik holati dalolatnoma yozuvlari (tug‘ilganlik, nikoh tuzilganligi, nikohdan ajralganlik hamda o‘lim haqida dalolatnoma yozuvlari) ma’lumotlari aholining tabiiy harakati ma’lumotlarini shakllantirishda foydalaniladi. Bunda tug‘ilgan bola ota-onasining, o‘lganlar, nikoh tuzganlar va nikohdan ajralganlar ularning O‘zbekiston Respublikasidagi doimiy yashash joylari bo‘yicha hisobga olinadi.
Xorijiy davlatda o‘lgan O‘zbekiston Respublikasi fuqarosiga “O‘lim to‘g‘risidagi guvohnoma” o‘lim sodir bo‘lgan xorijiy davlatning Fuqarolik holati dalolatnomalarini yozish organlari tomonidan rasmiylashtirilgan taqdirda, ushbu o‘lgan fuqarolar bo‘yicha statistik hisob alohida tartib asosida amalga oshiriladi.
v) ko‘chib kelganlar doimiy yashash joyiga qarab MHOBT va “Jahon mamlakatlari” statistik tasniflagichi bo‘yicha xos raqamlariga biriktiriladi. Ushbu xos raqamlarga qarab ko‘chib kelganlar uch qismga ajratiladi: viloyat (Qoraqalpog‘iston Respublikasi, Toshkent shahri) ichidan, viloyatlar (Qoraqalpog‘iston Respublikasi, Toshkent shahri)aro hamda xorijdan ko‘chib kelganlar. Ularning barchasi qo‘shilib jami ko‘chib kelganlarni tashkil etadi hamda kelgan hududning aholisi soniga qo‘shiladi. Ya’ni,
M1 = M1t + M1v + M1h,
bu yerda: M1 – jami ko‘chib kelganlar soni;
M1t –viloyat ichki ma’muriy hududlariga boshqasidan ko‘chib kelganlar soni;
M1v – viloyatlararo ko‘chib kelganlar soni;
M1h –xorijdan ko‘chib kelganlar soni.
g) jami ko‘chib ketganlar uch qismga: viloyat (Qoraqalpog‘iston Respublikasi, Toshkent shahri) ichiga, viloyatlar (Qoraqalpog‘iston Respublikasi, Toshkent shahri)aro hamda xorijga ko‘chib ketganlarga ajratiladi. Ularning barchasi qo‘shilib jami ko‘chib ketganlarni tashkil etadi hamda ketgan hududning aholisi sonidan
ayriladi. Ya’ni,
M2 = M2t + M2v + M2h,
bu yerda: M2 – jami ko‘chib ketganlar soni;
M2t –viloyat ichki ma’muriy hududlaridan boshqasiga ko‘chib ketganlar soni;
M2v – viloyatlararo ko‘chib ketganlar soni;
M2h –xorijga ko‘chib ketganlar soni.
Viloyat (Qoraqalpog‘iston Respublikasi, Toshkent shahri) ichiga hamda viloyatlar (Qoraqalpog‘iston Respublikasi, Toshkent shahri)aro ko‘chib ketganlar viloyat (Qoraqalpog‘iston Respublikasi, Toshkent shahri) ichiga hamda viloyatlar (Qoraqalpog‘iston Respublikasi, Toshkent shahri)aro ko‘chib kelganlarning ketgan joyiga nisbatan ko‘chib ketganlar deb hisobga olinadi. Ya’ni,
M2t = M1t va M2v = M1v.
Aholi umumiy sonini hisoblash jami respublika va uning alohida ma’muriy-hududiy birliklari bo‘yicha amalga oshiriladi. Aholi sonini shahar va qishloq joylari bo‘yicha hisoblashda ma’muriy-hududiy o‘zgarishlar natijalari – qishloq aholi punktlarini shahar aholi punktlariga o‘zgarishi (qisman yoki to‘liq), shahar joylari tarkibiga kiritilishi, shuningdek shahar joylarining qishloq aholi punktlariga o‘zgartirilishi va boshqalar hisobga olinadi.
O‘zbekiston Respublikasi Davlat statistika qo‘mitasi ma’lumotlariga ko‘ra, 1991-2015 yillarda respublika aholisi 10,4 mln. kishiga ko‘payib, 2015 yil 1 yanvarda 31022,5 ming kishini tashkil etgan (4.2-jadval).