Millatimizning ruhi bo‘lgan ona tilimizni, xalqimizning azaliy qadriyatlarini kelgusi avlodlarga yetkazishda adabiyotning o‘rni va ahamiyati beqiyos ekaniga jiddiy ahamiyat berilmoqda. Adabiyotga e’tibor – ma’naviyatga, kelajakka e’tibor ekani, binobarin, adabiyotimiz rivoji uchun nafaqat yozuvchi va shoirlar, balki butun jamiyat mas’ul ekani alohida ta’kidlanmoqda. Shu nuqtayi nazardan shoir Hofiz Xorazmiyning lirik merosi bo‘lgan devonidagi g‘azallarining g‘oyaviy va badiiy tahliliga doir mazkur tadqiqotimiz dolzarblikka ega.
