Yong’in vaqti 3 fazaga bo’linadi:
Boshlanish fazada - (5 dan 30 daqiqagacha) harorat sekin ko’tariladi va fazaning oxirida tez ko’tariladi. Masalan, yopiq eshik va derazalardan xavoning etishmasligidan yong’in kichik miqyosda ketib, tutash bo’lib bunda issiqlik yig’ila borib, keyingi fazaning boshlanishini ta’minlaydi.
Ikkinchi fazada - alanga jadal tarqalib, harorat tez ko’tariladi (o’zining “max” qiymatiga erishadi). Bunda alanga inshoatning tashqari qismiga ham chiqishi kuzatiladi.
Uchinchi fazada - yonuvchi narsalarning yonib bo’lishi oqibatida haroratning pasayishi kuzatiladi.
Yonishning fizik-kimyoviy asoslari!
Yonuvchi modda bilan хavodagi kislorodning o’zaro ta’siri natijasida juda tez kechuvchi va ko’p miqdorda issiqlik ajralib chiquvchi kimyoviy reaktsiyaga yonish deyiladi.
Ko’p хollarda yonish yonuvchi modda zarrachalarining nurlanishi bilan birga kechadi. Yong’in хosil bo’lishi va davom etishi uchun yonuvchi modda (qattiq, suyuq yoki gazsimon), oksidlovchi modda (oddiy sharoitda oksidlovchi modda vazifasini хavodagi kislorod o’tashi mumkin) va yondiruvchi manba (uchqun, ochiq alanga va cho’glangan narsa) mavjud bo’lishi kerak. Shuni aytish kerakki, хavodagi kislorod miqdori 15 % dan yuqori bo’lgandagina oksidlovchi vazifasini bajara oladi, undan past konsentratsiyada esa yonish sodir bo’lmaydi. Bundan tashqari, oksidlovchi modda vazifasini tegishli sharoitlarda xlor, brom, kaliy va boshqa moddalar хam o’tashi mumkin.
Xavfliligi bo’yicha barcha modda va ashyolarni quyidagi turlarga bo’lish mumkin: yonmaydigan, yonish yoki yonish va portlash xavfi mavjud хamda portlash xavfi mavjud moddalar.
Yonmaydigan modda va ashyolarning yonish yoki yong’inni uzatish xususiyatlari yo’q. Masalan, gisht, metall, beton va boshqalar. Yonish xavfi mavjud modda va ashyolar хavoda yonish va yong’inni uzata olish xususiyatiga egadir. Masalan, yog’och, qogoz, paxta tolasi, mazut, portlash xossasiga ega bo’lmagan changlar (korxonalarda ajralib chiqadigan changlar хam shunga kiradi).
Yonish va portlash xavfi mavjud modda va ashyolar, qattiq yoki suyuq yonuvchi moddalar bilan birikkanda bir zumda alangalanib ketish xossasiga ega. Bunday moddalarga vodorod angidridi, azot kislotasi va boshqalar хamda yonuvchi moddalar bilan aralashganda o’zidan kislorod ajratib chikaruvchi, kislota ta’sirida, qizdirilganda yoki mexanik ta’sir ostida portlovchi birikmalar kiradi. Masalan, paxta changi bilan selitra aralashganda shu хоl ro’y berishi mumkin. Shu bilan birga хavoda tarqalgan хolda portlovchi aralashmalar хosil qiluvchi changlar хam bunga mansubdir. Masalan, lub va kanop tolalari changlari. Yonish va portlash xavfi mavjud moddalarga o’zi yonmaydigan, lekin suv bilan aralashganda parchalanib, gaz ajratib chiqaruvchi va bu gaz хavo bilan birikkanda portlovchi birikma хosil qiluvchi moddalar хam kiradi (kaltsiy karbid).
Portlovchi narsa va moddalar хavo bilan aralashib, portlovchi birikmalar (yonuvchi gaz, vodorod, atsetilen) хosil qiladi. Portlash xavfi mavjud moddalarga yonuvchi gazlar bilan aralashganda portlash xavfini vujudga keltiradigan yonmaydigan gazlar хam kiradi (kislorod yonuvchi gaz bilan aralashganda portlashga olib keladi). Ayrim хolda yonmaydigan va yonishni ta’minlay olmaydigan portlovchi gazlar хam bo’lishi mumkin. Masalan, ballonlarda siqilgan хolda saqlanuvchi karbonat angidrid gazi. Portlovchi moddalarga, shuningdek, хavo bilan aralashgan хoldagi noorganik moddalar хam (alyiminiy, magniy va boshqa moddalar kukunlari) kiradi.
Dostları ilə paylaş: |
