sanoatda xavfsiz ish olib borish va tog’ ishlari xavfsizligi texnik davlat nazorati (Davkontex nazorat);
Davlat sanitar nazorati (Dav.san. nazorat);
Davlat energetika nazorati (Dav.energo nazorat);
Davlat yong’in xavfsizligi nazorati (Dav.yong’in nazorat);
Tabiatni muxofaza qilish davlat nazorati;
- Suv va suv manbalarining tozaligini himoyalash davlat nazorati;
- Jamoat nazorati. Kasaba uyushmasining texnik nazorati.Har bir sanoat korxonasiga tarmoq bo’yicha ishchi va xizmatchilaming kasaba uyushmasi markaziy qo’mitasi texnik nazoratchisi biriktirib qo’yiladi. Ukorxonada mehnatni muxofaza qilish masalalarini kuzatib turuvchi davlat nazoratchisi hisoblanadi. Uning asosiy vazifalari - baxtsiz xodisalarni tekshirish, hisobga olishning korxona ma’muriyati tomonidan to’g’ri olib borilayotganligini kuzatib borish, o’lim bilan tugagan hamda og’ir va baxtsiz xodisaga uchragan xollarda tekshirishda qatnashish, tekshirish materiallari va aybdor bo’lganlar haqidagi ma’lumotlarni, aybdorlarni jinoiy javobgarlikka tortish materiallarini tekshirish organlariga jo’natishdan iborat. Kasaba uyushmasi texnik nazoratchisi uskunalarni, qurilmalarni ishga qabul qilish, foydalanishga topshirish davlat komissiyasi tarkibida qatnashadi. O’zbekiston Respublikasining sanoatda xavfsiz ish olib borish va tog’ ishlari nazorati. Bu nazoratning asosiy vazifasi tog’-ma’dan sanoati, neft qazib chiqarish, metallurgiya, geologiya qidiruv, 70 KPa dan ortiq bosimda ishlaydigan bug’ qozonlari va idishlari, 115°C dan ortiq haroratga ega bo’lgan suv isitish qozonlari, bug’ va issiq suv quvurlari, yuk ko’tarish kranlari, liftlar, eskalatorlar ishlarini nazorat qiladi. Ular qozon va yuk ko’tarish qurilmalarini qurish uchun sanoat korxonalariga ruxsatnoma beradi, inshootlarni hisobga oladi, yaroqli ekanligini tasdiqlaydi.
