| Maddə 6. Mediasiya tərəflərinin hüquq bərabərliyi və əməkdaşlığı
6.1. Mediasiyanın tərəfləri mediatorun, mediasiya prosedurunun, mediasiya zamanı öz mövqeyini müdafiə etmənin üsul və vasitələrinin seçilməsində, mübahisənin tənzimlənməsi haqqında sazişin şərtlərinin qiymətləndirilməsində bərabər hüquqlardan istifadə edirlər və bərabər vəzifələr daşıyırlar.
6.2. Mediasiyanın tərəfləri mediasiyanın məqsədləri naminə əməkdaşlıq üçün qarşlıqlı fəaliyyət göstərməlidirlər.
Maddə 7. Mediatorların müstəqilliyi və qərəzsizliyi. Mediasiya proseduruna müdaxilənin yolverilməzliyi
7.1. Mediasiyanın aparılması zamanı mediator tərəflərdən, dövlət orqanlarından, digər hüquqi və fiziki şəxslərdən asılı deyil. Mediator mediasiyanın, mükünlüyü bu Qanunla müəyyən edilən vasitə və metodlarını seçməkdə müstəqildir.
7.2. Mediator qərəzsiz olmalı, mediasiyanı hər iki tərəfin maraqlarına uyğun aparmalı və tərəflərin mediasiya prosedurunda bərabər iştirakını təmin etməlidir. Mediator, onun qərəzsizliyinə mane olan şərtlər olduqda mediasiyanı aparmaqdan imtina etməlidir.
7.3. Azərbaycan Respublikasının qanunvericiliyində nəzərdə tutlmuş hallar istisna olmaqla, mediasiyanın aparılması zamanı tərəflərin, dövlət orqanlarının, digər hüquqi və fiziki şəxslərin mediatorun fəaliyyətinə müdaxilə etmələrinə yol verilmir.
Dostları ilə paylaş: | 
