1.MASALA. Korxona foydali qazilmalarni (aktsizosti tovar hisoblanmaydi) kavlab olish faoliyatini amalga oshiradi.
Hisobot davrida kavlab olingan (ajratib olingan) tayyor mahsulotning hajmi 200 tonnani tashkil qilib, shundan 60 t mahsulot realizatsiya qilingan, soliq stavkasi 4% , xususan:
- 20 t mahsulot - 1 250 ming so’mga (QQSsiz),
- 40 t mahsulot - 3 460 ming so’mga (QQSsiz).
Yer qa’ridan foydalanganlik uchun soliqni hisoblang.
2.MASALA. Hisobot davrida kavlab olingan tayyor mahsulotning hajmi 5 tonnani tashkil qildi. Realizatsiya amalga oshirilmadi.
Kavlab olingan xom ashyoning 1 tonnasining tannarxi 1 600 ming so’m.
Oldingi hisobot davrida kavlab olingan mahsulot hajmi 16 t ni tashkil qilgan, undan 11 t 21 000 ming so’mga (QQSsiz), 3 t 6 000 ming so’mga (QQSsiz) realizatsiya qilingan. Soliq stavkasi 5%. yer qa’ridan foydalanganlik uchun soliqni hisoblang.
3.MASALA. Hisobot davrida kavlab olingan tayyor mahsulotning hajmi 10 tonnani tashkil qildi. Kavlab olingan mahsulotning tannarxi 12 000 ming so’mni tashkil qilgan (har 1 t uchun 1 200 ming so’m).
Hisobot davrida realizatsiya qilindi:
2 t 2 000 ming so’mga (QQSsiz),
8 t 11 200 ming so’mga (QQSsiz).
Tayyor mahsulot uchun soliq stavkasi 3%ni tashkil etadi. yer qa’ridan foydalanganlik uchun soliqni hisoblang.
4.MASALA. Neft qazib oluvchi korxona hisobot davrida 1600 tonna neft qazib olgan. Korxona qayta ishlash uchun 1600 ming so’mga (QQS va aktsiz solig’isiz) realizatsiya qilgan. Korxonaning hisobot davrida to’lashi lozim bo’lgan yer qa’ridan foydalanganlik uchun soliq summasini aniqlang?
5.MASALA. Ko’mir qazib oluvchi korxona hisobot davrida 1900 tonna ko’mir qazib olgan va uning 45 foizini 8400 ming so’mga realizatsiya qilgan. Korxonaning to’lashi lozim bo’lgan yer qa’ridan foydalanganlik uchun soliq summasini hisoblang?
