Bankın mənfəətli və sabit fəaliyyətinin təmin edilməsi məqsədilə onun cari fəaliyyətinin təşkili və rəhbərliyin həyata keçirilməsi;
Bankın əsas biznes növlərinə, şəbəkəsinə, idarəetmə və nəzarət sisteminə, informasiya texnologiyalarına və infrastrukturuna münasibətdə Bankın inkişaf strategiyasının həyata keçirilməsinin təşkil edilməsi; onların həyata keçirilməsinə nəzarət;
Bankın Səhmdarların Ümumi Yığıncağının və Müşahidə Şurasının qərarlarının icra edilməsinin təmin edilməsi;
Bankın Səhmdarların Ümumi Yığıncağının və Müşahidə Şurasının işi üçün lazımi şəraitin yaradılması;
İdarə Heyətinin tərkibi və onun üzvlərinin əməyinin ödənilməsi ilə bağlı olan məsələlərdən başqa, Bankın Səhmdarların Ümumi Yığıncağının və Müşahidə Şurasının müzakirəsinə çıxarılan məsələlərin ilkin baxılması;
Bankın strateji planı üzrə təkliflərin hazırlanması və təsdiq üçün Müşahidə Şurasına verilməsi;
Mühasibat uçotunun beynəlxalq standartlarına uyğun olaraq hazırlanmış maliyyə hesabatlığı da daxil olmaqla, Bankın maliyyə hesabatlığına baxılması, onun Bankın Səhmdarlarının Ümumi Yığıncağının və Müşahidə Şurasının baxışına çıxarılması;
Bankın struktur bölmələrinin işi haqqında hesabatlara baxılıması;
Hesabat dövrü üçün Bankın fəaliyyətinin nəticələrinə baxılması;
Kommersiya sirrini təşkil edən məlumatların siyahısının müəyyən edilməsi və Bankda kommersiya sirrini təşkil edən məlumatlarla iş qaydasının müəyyən edilməsi;
Bankın ayrıca bölmələrinin işi üzərində nəzarət, onların öz vəzifələrinin vaxtında və müvafiq qaydada icra edilməsinin təmin edilməsi;
Baş ofisin birbaşa bank xidməti göstərməyən daxili struktur bölmələrinin onun əsas binasının yerləşdiyi yerdən kənarda yerləşdirilməsi;
Bankın Səhmdarlarının Ümumi Yığıncağının və Müşahidə Şurasının səlahiyyətinə aid olan məsələlər istisna olmaqla, Bankın bütün cari fəaliyyətinə rəhbərlik məsələləri üzrə qərarların qəbul edilməsi;
Azərbaycan Respublikasının qanunvericiliyi, Bankın Nizamnaməsi və İdarə Heyəti haqqında Əsasnamə ilə nəzərdə tutulmuş digər səlahiyyətlər.
