| İslandiya. Geo ES.
İslandiyada istehsal edilən elektrik enerjisinin 20%-dən çoxu Geo ES-dən alınır. Bu ölkədə geotermal sulardan əldə edilən elektrik enerjisi bina və istixanalarda (gül, meyvə-tərəvəz, hətta sitrus meyvələri yetişdirilərkən), habelə hovuzların qızdırılmasında istifadə olunur.
Kataklizm hadisələrindən biri də zəlzələlərdir. Baş verən güclü zəlzələlər kütləvi insan tələfatına və dağıntılara səbəb olduğundan onun qabaqcadan proqnozlaşdırılması böyük əhəmiyyət daşıyır. Müasir dövrdə yüksək səviyyəli elmi tədqiqatların aparılmasına baxmayaraq hələ də bu sahədə ciddi nailiyyətlər əldə etmək mümkün olmamışdır.
Hazırda mövcud olan bir neçə üsul (dərin qatlarda süxurlararası uğultu, elektromaqnit dalğaları və s.) yalnız zəlzələ anında və ya ondan bir neçə saniyə əvvəl məlumat almağa imkan verir. Tədqiqatçılar yeraltı təkanların gücündən enerji almaq və onların baş verdiyi ərazilərdə aparılan tikinti işlərində yeniliklər tətbiq etməklə bu hadisədən qorunmaq üçün müxtəlif yollar axtarırlar. Zəlzələlərin tez-tez müşahidə olunduğu ərazilərdə tikilən bina, körpü, yol və s. obyekt və qurğuların xüsusi konstruksiyalar tələb etməsi inşaatda yeni tikinti materiallarının, memarlıqda isə zəlzələyə davamlı layihələrin yaradılmasına səbəb olmuşdur.
Dostları ilə paylaş: | 
