iyirmi doqquzuncu dərs
İNSAN HƏYATINDA TƏCRÜBƏNİN ROLU
«Təcrübəni yadda saxlamaq ağıl və düşüncə nişanəsidir. Ən yaxşı təcrübə sənə öyüd verən təcrübədir. Yumşaq rəftar böyüklükdəndir. Qüssəyə batmazdan qabaq fürsəti qənimət say.»1
Əmirəl-mö’minin Əlinin (ə) imam Həsənə (ə) vəsiyyətnaməsi haqqında söhbəti davam etdiririk. Bu dürlü kəlamın ümdə hissəsini təşkil edən son bölmədə qısa kəlamlar şəklində bəyan olunmuş tövsiyyələr yer tutur. Bu kəlamlar dünya həyatı dərsini və axirət səadəti yolunu açıqlayır. İlk baxışdan bir-birləri ilə o qədər də əlaqəli görünməyən bu kəlamların bir qədər düşündükdən, ilahi və islami baxışla, Əhli-beyt (ə) məktəbi ilə tanışlıqdan sonra sıx əlaqəli olduğu üzə çıxır, bu sonsuz maarif və hikmət okeanından bəhrələnmək mümkün olur. Nəql olunan hissədə Həzrət (ə) digər bir maarif çeşməsini tanıtdırır. Bu çeşmə başqalarının bəhrələnməli olduğumuz təcrübələridir.
Dostları ilə paylaş: |
