BEHİŞTİN ƏN GÖZƏL HURİSİ “LƏYA” 2
İbni Abbas deyir: “İmam Hüseyn (ələyhissalam) anadan olduğu zaman Allah-təala Ləyaya (ixtiyarında yetmiş min xidmətçi mələk və yetmiş min qəsr olan və gözəllikdə tayı-bərabəri olmayan behişt hurisi) əmr etdi ki, Fatiməni (ələyhəssalam) tək-tənha qoymasın və Öz həbibinin qızına kömək etsin.
Ləya da Behiştdən yer üzünə enib Həzrət Fatimənin (ələyhəssalam) xidmətinə yetişdi və Ona göz aydınlığı verib təbrik etdi. Həzrət Fatimə (ələyhəssalam) Ləyanın ayağı altında bir xalçanın olması barədə düşünürdü. Bu zaman Allah-təala mələklərdən birinin vasitəsi ilə Cənnətdən bir xalça göndərdi və Həzrət Zəhranın (ələyhəssalam) otağında yerə sərildi.
Nəhayət sübh çağı Ləyanın vasitəsi ilə İmam Hüseyn (ələyhissalam) dünyaya göz açdı. Ləya O Həzrət ağ bir parçaya büküb bağrına basıb öpməyə başladı.”1
Dostları ilə paylaş: | 
