ÖN SÖZ
Şəhidlər sərvəri, Muhəmməd Peyğəmbərin (salləllahu ələyhi və alihi və səlləm) nəvəsi İmam Hüseynin (ələyhissalam) məqamı və fəziləti barəsində bir çox kitablar yazılmış və oxucuların ixtiyarına qoyulmuşdur.
Bu kitabda O Həzrətin Allah-təala dərgahında olan məqamının ucalığını bir daha xatırlatmaq üçün Onun möcüzə və kəramətlərini müxtəlif mənbələrdən toplayıb tərcümə etmişik. Ümidvarıq yazılan mətləblər oxucular üçün faydalı olacaqdır.
Kitabın ərsəyə gəlməsində zəhmət çəkmiş qardaşlara, məxsusən Ufa şəhərində yaşayan mömin qardaşım Fərhada dərin minnətdarlığımı bildirirəm.
Allah-təala bu kiçik təlaşı qəbul edib savab yazarsa, həmin savabı birinci növbədə əziz valideynlərimə, həmçinin əziz qayınanam Kərbəlayi Surəyya xanıma və mərhum qayınatam Kərbəlayi Afiqə hədiyyə edirəm.
İlahi! Səni and veririk Əhli-beytin xatirinə, bizim həyaımızı və ölümümüzü Əhli-beytin həyatı və ölümü kimi qərar ver! Bizi bir an belə öz başımıza buraxma və aqibətimizi xeyrlilərdən et! Amin, ya Rabbəl aləmin.
1437 hicri qəməri / 2016 miladi
Müqəddəs Qum şəhəri
Bağışlayan və Mehriban Allahın adı ilə
Dostları ilə paylaş: | 
