Həzrət İsmayılın (ələyhissalam) bir sürü qoyunu var idi. Onları otarmaq üçün çobana tapşırmışdı. Bir gün həmin çoban Fərat çayının sahilində qoyunlara fikir verib gördü ki, onlar su içmirlər. Bu cərəyanı İsmayıl Peyğəmbərə (ələyhissalam) xəbər verdi. Həzrət Allah-təaladan buna çarə etməsini istədi. Vəhy gəldi ki, bunun sirrini qoyunlardan soruşsun. O, qoyunlardan soruşdu: “Nə üçün bu sudan içmirsiniz?”
Qoyunlar Qadir Allahın izni ilə dilə gəlib cavab verdilər: “Sənin nəslindən olan Hüseynin (ələyhissalam) bu torpaqda şəhadətə yetməsi bizə bəyan oldu. Onun bu müsibətinə görə biz də bu suyu içməkdən imtina etdik.”1
