NİŞAN VERİLƏN MƏKAN
İmam Hüseyn (ələyhissalam) Küfə şəhərinə hərəkət etdiyi zaman Ümmü Sələmə Ona dedi: “İraqa tərəf getmə, çünki Peyğəmbərin (salləllahu ələyhi və alihi və səlləm) belə buyurduğunu eşitdim: “Oğlum Hüseyn Kərbəla adlanan torpaqda şəhid olacaqdır.” Sonra az miqdarda həmin torpaqdan bir şüşənin içinə qoyub mənə uzatdı.”
İmam Hüseyn (ələyhissalam) buyurdu: “Allaha and olsun ki, mən babamın buyurduğu kimi şəhadətə çatacağam. Əgər İraqa getməsəm, harda olursa olsun, düşmənlər məni qətlə yetirəcəklər.”
Ey Ümmü Sələmə! İstəyirsənsə, özümün və tərəfdarlarımın şəhid olduğu yeri sənə nişan verim.”
Sonra mübarək əli ilə Kərbəla tərəfə işarə etdi. Ümmü Sələmə Kərbəladakı düşərgəni və İmam Hüseynin (ələyhissalam) dəfn olunacaq yeri çox aydın şəkildə müşahidə etdi.
O Həzrət yerdən bir az türbət götürüb şüşəyə tökdü və onu Ümmü Sələməyə verib buyurdu: “Bunu da Peyğəmbərin sənə verdiyi türbətin yanında saxla! Bu türbətlərin qana boyandığını gördüyün zaman bil ki, mən artıq şəhadətə çatmışam.”
Ümmü Sələmə deyir: “Məhərrəm ayının onuncu günü zöhrdən sonra şüşələrə nəzər saldıqda hər ikisinin qana bulaşdığını gördüm.”1
Dostları ilə paylaş: | 
