ZİNAKAR QADIN
Zinakar bir qadın həmişə dünyaya gətirdiyi günahsız körpələri heç kim bilməsin deyə, təndirə atıb yandırarmış. Onun bu iyrənc və mənfur əməlindən yalnız anasının xəbəri var idi. Elə ki, əcəl zinakar qadının başının üstünü aldı, onu basdırmaq üçün qəbiristanlığa gətirdilər. Lakin torpaq onu qəbul etməyib çölə atdı. Camaat təəccüblənib meyyiti başqa yerdə dəfn etmək istədilər. Yenə də həmin iş təkrar olundu.
Nəhayət meyyitin ailəsi İmam Sadiqin (ələyhissalam) hüzuruna gəlib çarə etməsini istədilər. O Həzrət zinakar qadının anasından soruşdu: “De görüm, qızın hansı günaha mürtəkib olmuşdur?”
Anası qızının günahını İmama (ələyhissalam) bildirdi.
Həzrət buyurdu: “Belə bir günah edəni torpaq qəbul etməz. Çünki qızın Allah-təalanın məxluqunu Allahın verdiyi əzabla cəzalandırmışdır. Bunun yalnız bir yolu vardır. Gedin İmam Hüseynin (ələyhissalam) türbətindən bir az onun qəbrinə qoyun.”
Beləliklə, İmamın (ələyhissalam) göstərişi yerinə yetirildikdən sonra torpaq həmin zinakar qadını qəbul etdi.1
Dostları ilə paylaş: |
