Əməli yaddaş (RAM - Random Access Memory) operativ yaddaş da adlanır, sürətli yaddaşdır, verilənləri müvəqqəti saxlayır, kompüter elektrik mənbəyindən ayrıldıqdan sonra orada olan verilənlər silinir. İnformasiya emal olunduğu müddətdə əməli (operativ) yaddaşda saxlanılır və prosessor tərəfindən emal olunur.
Keş yaddaş (Cache) kiçik tutumlu sürətli yaddaşdır, əməli yaddaşa müraçiəti gücləndirmək üçün istifadə olunur, Birinci səviyyəli keş yaddaş mikroprosessorun daxilində yerləşir və registrlərin işini sürətləndirir. İkinci səviyyəli keş yaddaş isə mikroprosessorla əməli yaddaş arasında yerləşir və bu iki qurğu arasında informasiya mübadiləsini sürətləndirir.
