İnformasiya anlayışı və xassələri

İnformasiya prosesləri və onların avtomatlaşdırılması

İnformasiya proseslərinə informasiyanın toplanılması, saxlanılması, ötürülməsi, email və istifadəçiyə çatdırılması aiddir. İnformasiyanın toplanması öyrənilən obyektin vəziyyəti haqqında məlumat almaq məqsədilə adi halda insan, avtomatlaşdırılmış şəkildə texniki vasitələr və sistemlər tərəfindən aparılır.Toplanan informasiya emal üçün emal vasitələrinə ötürülməlidir. İnformasiyanının ötürülməsi üçün simli və ya simsiz rabitə vasitələrindən istifadə olunur. İnformasiyanın emalı adi halda insan, avtomatlaşdırılmış halda isə kompyuterlər tərəfindən aparılır. İnformasiyanın emalı kompyuterdə prosessor tərəfindən həyata keçirilir. İnformasiya emal edilməzdən əvvəl və sonra informasiya daşıyıcılarında saxlanılır. İnformasiya daşıyıcısı kimi əvvəllər perfolentdən, perfokartdan, maqnıt lentindən, strimerdən, müasir kompüterlərdə ısə maqnit disklərdən, fləş disklərdən istifadə olunur.

İnformasiya proseslərində doğru və adekvat, amma köhnəlmiş olan informasiya səhv qərar qəbul etməyə səbəb ola bilər. Verilənlərlə işləmək üçün adekvat metodların axtarışının (və ya işlənib hazırlanmasının) vacibliyi informasiyanın alınmasında elə gecikmələrə səbəb ola bilər ki, nəticədə o,aktual olmayan və lazımsız informasiyaya çevrilə bilər, Xüsusilə, açıq üsullarla verilənlərin şifrələnməsinin əksər müasir sistemləri bu prinsipə əsaslanmışdır. Verilənləri oxumaq üsuluna (metoda) malik olmayan şəxs, bu üsulun axtarışı ilə məşğul ola bilər, çünki onun iş alqoritmi əldə olunandır, lakin belə axtarışın aparılması müddəti o qədər böyükdür ki, bu vaxt ərzində informasiya öz aktuallığını və uyğun olaraq onunla bağlı olan praktiki qiymətliliyini itirir.