İnformasiya anlayışı və xassələri

37. İnternet protokolları

WWW — World Wide Web (Ümumdünya hörümçək toru). Qısaca Veb adlanan bu xidmət növü İnternetin ən mühüm və geniş yayılmış xidmət növüdür. Adi mətnlərdən, hipermətnlərdən, qrafik və multimedia tipli informasiyalardan təşkil olunmuş Veb resurslarla işləmək üçün nəzərdə tutulmuşdur. Veb resurslar Veb səhifələr və Veb saytlar formasında təsvir olunurlar. Veb sayt bir-biri ilə əlaqəli olan Veb səhifələrdən ibarət olur. Veb səhifələr özündə mətnləri və HTML kodlarını saxlayan .htm və ya .html genişlənməli mətn fayllarıdır. WWW xidməti Veb resurslarla əlaqəni HTTP (Hyper Text Transfer Protocol) protokolu vasitəsilə həyata keçirirlər. İnternetdə Veb resurslar arasındakı əlaqələr hiperəlaqələr adlanan keçidlər (linklər) vasitəsilə ifadə olunurlar. İnternetdə yerləşdirilən hər bir resursun unikal ünvanı: URL (Uniform Resourse Locator) olur. Başqa sözlə, bu ünvan Veb saytın yerləşdiyi kompüterin İnternetdəki koordinatıdır. Məsələn, Bakı Dövlət Universitetinin İnternet ünvanı belədir: http://www.bsu.edu.az . Burada “http” — informasiyanın ötürülməsi protokolunu, “www” — İnternet xidmətinin adını, “bsu.edu.az” - Saytın yerləşdiyi host (əsas, server) kompüterin adını bildirir. Host kompüterin adı şəbəkədə qeydə alınmış domenlərin adlarından ibarət olur. Belə ki, soldan başlayaraq əvvəlcə ən aşağı səviyyənin domeni, sonra isə daha yuxarı səviyyələrin domeni gəlir. Yuxarıdakı misalda ən yuxarı səviyyənin domeni “az” hesab olunur. “edu” isə altdomen adlanır. İnternetdə Veb səhifələrə müraciət http:// göstəricisi ilə başlayır. İntemetdə yerləşən hər hansı faylın İnternet ünvanı bu formada olur: http://serverin adı/yol/fayl.

Hostinq - saytları internetdə yerləşdirmə xidmətidir.